అంచనాలు పెంచేస్తున్న ‘సాలా ఖడూస్’ ట్రైలర్

Posted: 12/16/2015 11:18 AM IST

లవర్ బాయ్ ఇమేజ్ ను సొంతం చేసుకున్న నటుడు మాధవన్ ప్రధాన పాత్రలో నటిస్తున్న తాజా చిత్రం ‘సాలా ఖడూస్’. ఇందులో మాధవన్ ఓ బాక్సింగ్ ట్రైనర్ గా కనిపిస్తున్నాడు. ఇప్పటికే విడుదలైన టీజర్ కు మంచి రెస్పాన్స్ వచ్చింది. అయితే తాజాగా ఈ చిత్ర ట్రైలర్ ను విడుదల చేసారు.

ఒక బాక్సింగ్ ట్రైనర్ గా కనిపించడానికి మాధవన్ ఈ సినిమా కోసం తన బాడీని చాలా పెంచేసి, ఫిట్ గా తయారయ్యాడు. తన ఇమేజ్ ను పక్కనపెట్టేసి, హెయిర్ స్టైల్, గడ్డం బాగా పెంచేసి బ్యాడ్ బాయ్ లుక్ లో కనిపించేస్తున్నాడు. కానీ మాధవన్ ఈ రఫ్ లుక్ లో కూడా బాగున్నాడు. ఇందులో రితిక సింగ్ ప్రధాన పాత్రలో నటిస్తుంది. రితికకు మాధవన్ బాక్సింగ్ ట్రైనర్ గా కనిపిస్తాడు.

ఇప్పటికే ఈ సినిమాపై భారీ అంచనాలే నెలకొన్నాయి. సుధ కొంగర దర్శకత్వంలో రూపొందుతున్న ఈ చిత్రాన్ని రాజ్ కుమార్ హిరాణీ, ఆర్. మాధవన్ సంయుక్తంగా నిర్మిస్తున్నారు. ఈ చిత్రాన్ని హిందీ, తమిళంలో వచ్చే ఏడాది జనవరి 29న ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. మరి ఈ సినిమా ఎలా వుండనుందో త్వరలోనే తెలియనుంది.