బాహుబలి భామకు వుండాల్సిన లక్షణాలు

Posted: 01/21/2016 12:10 PM IST

యంగ్ రెబల్ స్టార్ ప్రభాస్ పెళ్లి గురించి అభిమానులు ఎంతగానో ఎదురుచూస్తున్నారు. ఈ విషయంపై ఇటీవలే ప్రభాస్ పెద్దనాన్న అయినటువంటి ప్రముఖ నటుడు రెబల్ స్టార్ కృష్ణంరాజు ఓ క్లారిటీ ఇచ్చేసారు. ఈ ఏడాది పెళ్లి చేసుకుంటానని ప్రభాస్ తనకు మాట ఇచ్చాడని, కాబట్టి ప్రస్తుతం ప్రభాస్ కోసం ఓ మంచి అమ్మాయిని ఫైనలైజ్ చేయడంలో మా ఫ్యామిలీ మెంబర్స్ బిజీగా వున్నారని కృష్ణంరాజు స్పష్టం చేసాడు.

ఈ ఒక్కమాటతో ప్రభాస్ పెళ్లి ఈ ఏడాది జరగడం ఖాయమని అర్థం చేసుకున్న అభిమానులు.. ప్రభాస్ కు ఎలాంటి అమ్మాయి అయితే బాగుంటుందో చర్చించుకుంటున్నారు. ముఖ్యంగా అమ్మాయిలు మాత్రం ప్రభాస్ ను పెళ్లి చేసుకోబోయే ఆ వధువు ఎవరా అని తెగ ఆరాటపడిపోతున్నారు.

ఈ విషయం కాస్త పక్కన పెడితే.. ప్రభాస్ కు ప్రస్తుతం పోటీగా వున్న మరో నటుడు రానా. వీరిద్దరూ కలిసి నటిస్తున్న తాజా చిత్రం ‘బాహుబలి2’. అయితే ఇలాంటి బాహుబలి(ప్రభాస్) పెళ్లికి సిద్ధమయ్యాడని తెలుసుకున్న రానా... బాహుబలి కోసం ఓ పెళ్లి ప్రకటనను విడుదల చేసాడు. బాహుబలి(ప్రభాస్)ను పెళ్లి చేసుకోబోయే అమ్మాయికి వుండాల్సిన లక్షణాలు, అలవాట్లు విషయంపై సరదాగా ఓ ప్రకటనను తన సోషల్ మీడియా ట్విట్టర్లో పోస్ట్ చేసాడు.

ఇపుడు మీరు చూస్తున్న ఈ ప్రకటన బాహుబలి(ప్రభాస్) కోసం రానా పోస్ట్ చేసిందే. మరి రానా చెప్పిన లక్షణాలున్న అమ్మాయి అంటే అందాల భామ అనుష్క కరెక్ట్ జోడి అని అనిపిస్తోంది. ఏదైమైనా రానా పోస్ట్ చేసిన ఈ సరదా ప్రకటనకు మంచి రెస్పాన్స్ వస్తోంది.