మలయాళ నటుడు జిష్ణు రాఘవన్ కన్నుమూత

Posted: 03/25/2016 12:14 PM IST

ప్రముఖ మలయాళ నటుడు జిష్ణు రాఘవన్ తుదిశ్వాస విడిచారు. రెండేళ్ల క్రితం ఆయన క్యాన్సర్ బారిన పడ్డారు. చికిత్స తీసుకోవడంతో క్యాన్సర్ నుంచి పూర్తిగా కోలుకున్నారని అనుకున్నారు. కానీ మళ్లీ క్యాన్సర్ ఎక్కువకావడంతో హాస్పిటల్లో చేరారు. క్యాన్సర్ తో బాధపడుతున్న జిష్ణు శుక్రవారం ఉదయం 8.15 గంటలకు కొచ్చిలోని అమృత హాస్పిటల్లో తుదిశ్వాస విడిచారు.

35 ఏళ్ల జిష్ణు తన నటనతోనే కాకుండా సోషల్ మీడియాలో పాజిటివ్ పోస్టులతో కూడా మంచి పేరును దక్కించుకున్నారు. ఐసీయూలో చికిత్స తీసుకుంటూనే సోషల్ మీడియాలో పాజిటివ్ పోస్టులు పెట్టేవారు. 1987లో ‘కిల్లిపట్టు‘ సినిమాతో బాలనటుడిగా తన నటన జీవితం మొదలు పెట్టారు. ఆయన మొదటి చిత్రం ‘నమ్మాల్’ ఘనవిజయం సాధించింది. ఆర్కిటెక్ ధన్యరాజ్ ను జిష్ణు వివాహం చేసుకున్నారు.