ఆమె బేస్ మస్త్ పసంద్

Posted: 05/31/2016 03:25 PM IST

బాలీవుడ్ సినీ అభిమానులంతా ఎదురుచూస్తున్న ‘సుల్తాన్’ సినిమా విడుదలకు సిద్ధమవుతోంది. బాలీవుడ్ స్టార్ హీరో కండల వీరుడు సల్మాన్ ఖాన్ హీరోగా నటిస్తున్న ఈ సినిమా ట్రైలర్ ఇప్పటికే విడుదలై యూట్యూబ్ లో కొత్త రికార్డులను క్రియేట్ చేసింది. సల్మాన్ ఖాన్ కు జోడిగా అనుష్క శర్మ హీరోయిన్ గా నటిస్తుంది.

ఇందులో వీరిద్దరూ రెజ్లర్స్ గా కనిపించబోతున్నారు. తాజాగా ఈ సినిమాలోని ‘బేబీ కో బాస్ పసంద్...’ అనే పాట వీడియోను విడుదల చేసారు. ఈ పాట రాకింగ్ పార్టీ స్టైల్లో కొనసాగుతోంది. సల్మాన్ డాన్స్ స్టైల్ బాగుంది. అలాగే ఈ సినిమా పాటలను విడుదల చేసారు. ఇందులో మొత్తం 9 పాటలున్నాయి. పాటలన్నీ కూడా చాలా బాగున్నాయి. ఇప్పటికే విడుదలైన ట్రైలర్ సినిమాపై వున్న అంచనాలను భారీగా పెంచేసింది.

ఫైట్ ఫర్ లవ్ అనే విధంగా ‘సుల్తాన్’ సినిమా తెరకెక్కుతోంది. అలీ అబ్బార్ జబ్బా దర్శకత్వంలో రూపొందుతున్న ఈ చిత్రాన్ని ఆదిత్య చోప్రా నిర్మిస్తున్నారు. భారీ అంచనాలతో వస్తున్న ఈ సినిమాను త్వరలోనే ప్రేక్షకుల ముందుకు రానుంది.