దుమ్మురేపుతున్న హెబ్బులి ఫస్ట్ లుక్

Posted: 06/10/2016 11:39 AM IST

కన్నడ స్టార్ హీరో కిచ్చ సుదీప్ నటిస్తున్న తాజా చిత్రం ‘హెబ్బులి’. ఈ సినిమా కోసం సుదీప్ గతకొద్ది రోజులుగా తన హెయిర్ స్టైల్ ను కనిపించకుండా పబ్లిక్ ఫంక్షన్లలో క్యాప్ ధరిస్తూ వస్తున్నాడు. దీంతో సుదీప్ ఏదో ఓ కొత్త హెయిర్ స్టైల్ తో రాబోతున్నాడని అందరూ భావించారు. కానీ అందరి అంచనాలను రెట్టింపు చేస్తూ అదిరిపోయే హెయిర్ స్టైల్, న్యూలుక్ తో ఎంట్రీ ఇచ్చాడు.

తాజాగా ‘హెబ్బులి’ ఫస్ట్ లుక్ పోస్టర్ ను విడుదల చేసారు. ఇందులో సుదీప్ ఆర్మీ కమాండర్ పాత్రలో నటిస్తున్నాడు. చాలా స్టైలిష్ అండ్ మాసివ్ లుక్ లో అదరగొడుతున్నాడు. ఇప్పటివరకు రొటీన్ హెయిర్ స్టైల్ ను కొనసాగించిన సుదీప్.. ఈ సినిమా కోసం మాత్రం చాలా కొత్త లుక్ ను ప్రజెంట్ చేస్తున్నాడు.

హెబ్బులి టైటిల్ డిజైన్ కూడా చాలా బాగుంది. సుదీప్, వి.రవిచంద్రన్, అమలా పాల్, పి.రవిశంకర్, రవికిషన్ ప్రధాన పాత్రలలో నటిస్తున్నారు. ఎస్.కృష్ణ దర్శకత్వంలో రూపొందుతున్న ఈ సినిమాను రఘునాథ్, సత్యనారయణ్ సంయుక్తంగా నిర్మిస్తున్నారు. త్వరలోనే ఈ సినిమాను విడుదల ప్రేక్షకుల ముందుకు తీసుకురానున్నారు.