కుర్రాడు మార్కెట్ లోకి వచ్చాడు...!

Posted: 06/15/2016 01:48 PM IST

పూరి జగన్నాథ్‌ సినిమా అంటేనే హీరోయిజం. కథానాయకుడి పాత్రని తెరపై ఆవిష్కరించడంలో పూరి సిద్ధహస్తుడు. హీరో అంటే... పాటలూ, ఫైటింగులూ మామూలే కదా...! ఇప్పుడు కూడా అదే జరుగుతోంది. నందమూరి కుర్రాడు మార్కెట్‌లోకి వచ్చి ఓ పాటేసుకొంటున్నాడు. పూరి జగన్నాథ్‌ దర్శకత్వంలో ఎన్టీఆర్‌ ఆర్ట్స్‌ సంస్థ ఓ చిత్రాన్ని తెరకెక్కిస్తోంది. కళ్యాణ్ రామ్‌ కథానాయకుడు. అతిథి ఆర్య హీరోయిన్ గా నటిస్తోంది.

ప్రస్తుతం హైదరాబాద్‌లో అర్ధరాత్రి నేపథ్యంలో మార్కెట్‌ పరిసరాల్లో ఓ పాట తెరకెక్కిస్తున్నారు. దీనికి దినేష్‌ మాస్టర్‌ కొరియోగ్రాఫ్ చేస్తున్నారు. ఈ చిత్రం కోసం కళ్యాణ్‌రామ్‌ తన లుక్‌ని పూర్తిగా మార్చేశారు. చిరు గెడ్డం, కళ్లజోడుతో స్టైలిష్‌గా కనిపించబోతున్నాడు. అందుకు సంబంధించిన లుక్‌ని కూడా పూరి ఇదివరకే విడుదల చేసిన సంగతి తెలిసిందే. ప్రస్తుతం మేటర్ ఏంటంటే ఈ సినిమా వచ్చే నెల నుంచి స్పెయిన్‌లో కీలక షెడ్యూల్‌ తెరకెక్కించే ఆలోచనలో ఉందట.

అసలే మాస్ యాక్షన్ హీరో పైగా పూరీ చేతిలో పడ్డాడు ఇక సినిమా బ్లాక్ బస్టరే అంటున్నారు అందరూ.

- మూర్తి