బర్త్ డే విషెష్ తో మహేష్ కొత్త సినిమా పోస్టర్

Posted: 08/09/2016 10:43 AM IST

Pvp released mahesh birthday poster confirmed movie with vamshi paidipally

ఓ టాప్ హీరో చిత్రం సెట్స్ మీద ఉండగానే, తర్వాతి చిత్రం ఫలానా దర్శకుడితోనే అని వార్తలు రావటం సహజంగానే కనిపించేంది. కానీ, సూపర్ స్టార్ మహేష్ విషయంలో అది కాస్త అతిగా ఉంటుంది. మహేష్ సైలెంట్ గా ఉండటాన్ని చనువుగా తీసుకుని కొన్ని మీడియాలు ఆ దర్శకుడితోనే, కాదు ఈ దర్శకుడితోనే అంటూ వార్తలు రాసిపడేస్తుంటాయి.

పూరి, కొరటాల, త్రివిక్రమ్ ఇలా వరుస పేర్లు వినిపిస్తున్నప్పటికీ తాజాగా ఈ విషయంలో ఓ క్లారిటీ ఇచ్చేశాడు. మురగదాస్ తో చిత్రం సెట్స్ పై ఉండగానే తన తర్వాతి చిత్రం వంశీపైడిపల్లితో అని అనౌన్స్ చేసేశాడు. అంతేకాదు బ్రహ్మోత్సవంతో బోల్తాపడ్డ పీవీపీ బ్యానర్ లోనే ఈ సినిమా ఉండబోతుంది. ఈ రోజు(ఆగష్టు 9న) మహేష్ పుట్టిన రోజు సందర్భంగా అందుకు సంబంధించిన పోస్టర్ ను రిలీజ్ చేసింది పీవీపీ టీం. ప్రోడక్షన్ నంబర్ 18 అంటూ అందులో మహేష్ చిన్నప్పటి ఫోటోలతోపాటు, తాజా పిక్ ను పొందుపరిచి విడుదల చేసింది. దీనిని మూవీ ట్రేడ్ అనాలసిస్ట్ తరుణ్ ఆదర్శ్ దృవీకరించడం విశేషం.

ఊపిరి వంటి క్లాస్ రీమేక్ తో చిత్రంతో హిట్ అందుకున్న వంశీ పైడిపల్లి ఆ మధ్య ఎప్పుడో స్టోరీ లైన్ వినిపించడం, అది మహేష్ కి నచ్చేసి ఓకే చేయటం జరిగిందని విన్నాం. కానీ, పట్టాలెక్కుతుందా అన్న అనుమానం నడుమా ఈ పోస్టర్ తో అనుమానాలన్నీ పటాఫంచల్ అయిపోయాయి. ఎటోచ్చి దీని ఎప్పుడు మొదలుపెడతాడా అని అభిమానులు ఎదురు చూడటమే తరువాయి.

Mahesh movie birthday poster