బ్రావోతో డేటింగ్ అంత సీన్ లేదు

Posted: 10/19/2016 09:44 AM IST

సెలబ్రిటీలు కాస్త క్లోజ్ గా మూవ్ అయ్యారంటే చాలూ వాళ్ల మధ్య సమ్ థింగ్.. సమ్ థింగ్ అంటూ కథలు చెప్పేసుకుంటారు. బాలీవుడ్ నటుడు రణ్ బీర్ కపూర్ తో డేటింగ్ లో ఉందంటూ నటి శృతీహాసన్ పై వార్తలు రావటం, అదంతా ఉత్తదేనని శృతీ మండిపడటం చూశాం. ఇప్పుడు మరో నటి డేటింగ్ వ్యవహారంపై కూడా క్లారిటీ వచ్చేసిందనే అనుకోవాలి. రీసెంట్ గా నటి శ్రీయా శరణ్, వెస్టిండీస్ క్రికెటర్ డ్వాన్ బ్రేవోతో కలిసి ముంబైలోని ఓ హోటల్ దగ్గర దర్శనమిచ్చిన సంగతి తెలిసిందే. దెబ్బకి వారిద్దరు డేటింగ్ లో ఉన్నారంటూ మన మీడియాలన్నీ కోడై కూశాయి.

ఎంత క్లోజ్ కాకపోతే మరి అలా చెట్టాపట్టాలేసుకుని తిరుగుతారంటూ కథనాలు రాసేశాయి. అడుగుదామంటే ఇద్దరూ ఆగకుండా వెళ్లిపోయారు. కథనలు మితిమీరటంతో శ్రీయ స్పందించింది. ‘అసలు నా దృష్టిలో ఇప్పుడు ఎవరూ లేరు. నేను ఎవరితోనూ డేటింగ్ లో లేను అని క్లారిటీ ఇచ్చే యత్నం చేస్తోంది శ్రీయా. అదేదో కాజువల్ గా లంచ్ కోసం వెళ్లాం. అంతా మాత్రానికే లింకు అంటగడతారా?’ అంటూ ప్రశ్నిస్తోంది. నేను ఇప్పుడు సింగిల్ గా, చాలా హ్యాపీగా ఉన్నాను. నాకు అదే ఇష్టం కూడా. లేని పోనివి రాయకండి అంటూ విజ్నప్తి చేసింది. అయితే అవేం పట్టని బాలీవుడ్ మీడియా మాత్రం ఆ ఫోటోలతో వార్తలు రాస్తూనే ఉంది.

హిందీ దృశ్యం తర్వాత సినిమాలు లేకుండా పోయిన ఈ హాట్ బ్యూటీ మధ్యలో ఫోటో షూట్ లతో గడిపేస్తుంది. మొన్నా మధ్యే న్యూ జెర్సీలో అమెరికా అధ్యక్ష అభ్యర్థి డొనాల్డ్ ట్రంప్ సమక్షంలో స్టెప్పులు వేసింది. అయితే అది ఉగ్రవాద దాడుల్లో బాధితులుగా మిగిలిపోయిన కశ్మీర్ పండితుల కుటుంబాల కోసమే లేండి. ప్రస్తుతం మాత్రం శ్రీయాకు శింబు సరసన అఅఅ (అన్బనవన్ అసరధవన్ అదంగదవన్) శ్రీయ నటిస్తోంది.