చిరు స్పెషల్ ఫినిష్

Posted: 10/27/2016 12:51 PM IST

Item song in khaidi number 150 completed

మెగాస్టార్ చిరంజీవి 150వ చిత్రం కోసం అభిమానులంతా ఎంత ఆత్రుతగా ఎదురు చూస్తున్నారో, అంతకంటే ఎక్కువగా తనయుడు, చిత్ర నిర్మాత రాంచరణ్ అంతకుమించిన ఎగ్జయిమెంట్ తో ఎదురు చూస్తున్నాడు. అయితే రీమేక్ ఎంచుకోవటం దగ్గరి నుంచి, టైటిల్, కాస్టింగ్ ఇలా ప్రతీ అప్ డేట్ లోనూ ఎందుకనో మెగా అభిమానులు తీవ్ర నిరాశ కనబరుస్తున్నారు. ఇప్పుడు ఐటెం సాంగ్ పై కూడా అలాంటి వార్తలే వస్తున్నాయి.

ముందుగా అనుకున్న కేథరిన్ తో కాకుండా రాయ్ లక్ష్మీతో చిరు స్టెప్పులేసిన విషయం తెలిసిందే. హైదరాబాద్ లో వేసిన ఓ ప్రత్యేక సెట్ లో లారెన్స్ ఆ పాటకు స్టెప్పులు సమకూర్చాడు. కొన్ని రోజులుగా బాస్ ఈజ్ బ్యాక్ అనే ఈ పాట చిత్రీకరణ షూటింగ్ జరుపుకుంటుందని చెప్పుకున్నారు కూడా. కానీ, అందులో ఏ మాత్రం వాస్తవం లేదని అంటున్నాడు చెర్రీ.

‘ఖైదీ నం.150లో స్పెషల్ సాంగ్ ‘రతాలు.. రతాలు’ షూటింగ్ ముగిసింది. చాలా హ్యాపీగా వుంది. , ఈ చిత్రం కోసం అందరి అభిమానుల్లాగే తాను ఎంతో ఆతృతగా ఎదురుచూస్తున్నా’ అని ఓ ప్రకటనలో చరణ్ చెప్పుకొచ్చాడు. .