ఛోటా బీమ్ అంటూ మోహన్ లాల్ పై కమల్ కామెంట్లు

Posted: 04/20/2017 10:21 AM IST

రాండామూజమ్ నవల మహాభారతంలో పాండవుల కథ నేపథ్యంగా సాగే ఓ కథ. దీనినే 1000 కోట్ల బడ్జెట్ తో రైటర్ ఎంటీ వాసుదేవన్ నాయర్ సినిమాగా తెరకెక్కించబోతున్న విషయం తెలిసిందే. బీఆర్ శెట్టి దీనిని నిర్మిస్తుండగా, పాపులర్ యాడ్ మేకర్ శ్రీకుమార్ మీనన్ దీనికి దర్శకత్వం వహించబోతుండటం విశేషం.

అయితే సినిమాలో పాత్రలకు సంబంధించి ఓ క్లారిటీ లేకపోయినప్పటికీ, భీముని పాత్రకు ప్రముఖ మలయాళ నటుడు మోహన్ లాల్, భీష్ముడి రోల్ కు బిగ్ బీ అమితాబ్ బచ్చన్ ను ఎంపిక చేశారు. అయితే భీముని పాత్రకు మోహన్ లాల్ ను ఎలా తీసుకుంటారని ప్రశ్నిస్తున్నాడు బాలీవుడ్ క్రిటిక్ కమల్ రషీద్ ఖాన్. భీముని పాత్రకు మోహన్ లాల్ అస్సలు సూట్ కాడని.. చోటా బీమ్ లా ఉంటాడంటూ వివాదాస్పద వ్యాఖ్యలు చేశాడు.

మోహన్ లాల్ తో భీముని క్యారెక్టర్ చేయించడమంటే నిర్మాత డబ్బుల్ని వృధా చేసుకోవటమేనని కమల్ వ్యాఖ్యలు చేశారు. తన ఇమేజ్ డ్యామేజ్ చేసేలా వ్యాఖ్యలు చేసినా.. మోహన్ లాల్ టీం మాత్రం అస్సలు రియాక్ట్ కాకపోవటం గమనార్హం. తరచూ వివాదాలతో విమర్శలు ఎదుర్కునే కమల్ కు మోహన్ లాల్ ను అనే అర్హత ఏ మాత్రం లేదని ఫ్యాన్స్ మండిపడుతున్నారు. అయితే వాటికి కూడా కమల్ అదే రీతిలో ఆన్సర్ ఇచ్చుకున్నాడు.

People pls see this Chota Bheem. It will be a biggest insult of Bheem if this joker plays role of greatest Bheem. pic.twitter.com/9MhsEXMVq2

— KRK (@kamaalrkhan) April 19, 2017

Instead of abusing me you dumb fans of @Mohanlal should explain, what he was doing with his hand in a public function. He is shameless. pic.twitter.com/Bg4epAKYUs

— KRK (@kamaalrkhan) April 19, 2017