జక్కన్నకు కాలింది అందుకేనంట...

Posted: 05/29/2017 04:05 PM IST

ఒక సినిమా హిట్ అయినా ఫ్లాప్ అయినా ఆ క్రెడిట్ అంతా దర్శకుడే తీసుకోవాలంటున్నాడు దర్శకధీరుడు రాజమౌళి. అంతేకాదు తన సినిమాలతో ఇతర వాటిని ఇబ్బంది పెట్టడం అస్సలు ఇష్టం ఉండదు కాబట్టే సీజన్ ను బట్టి రిలీజ్ చేసుకుంటానని చెబుతున్నాడు. ఓ ఛానెల్ ఇంటర్వ్యూలో చాలా విషయాలను చెప్పుకొచ్చిన జక్కన్న పనిలో పనిగా టాప్ ప్రొడ్యూసర్ అల్లు అరవింద్ తో ఉన్న వివాదంపై క్లారిటీ ఇచ్చేశాడు.

సింహాద్రి 175 డేస్ కు థియేటర్ల సంఖ్యను తప్పుగా చూపిస్తూ కొందరు హైలెట్ చేశారు. అది నాకు చాలా చిరాకు తెప్పించింది. అందుకే మరోసారి అలాంటి తప్పు జరగకూడదని డిసైడ్ అయ్యాడంట. ఇదే విషయాన్ని మగధీర సినిమా దలుపెట్టినప్పుడే నిర్మాత అల్లు అరవింద్ తో చెప్పా. అలాంటివేం చేయొద్దు అని ఆయన దగ్గర మాట తీసుకున్నా. తర్వాత మగధీర ఎంత హిట్టు అయ్యిందో అందరికి తెలిసిందే.

ఆపై ఫలానా ఫిగర్ థియేటర్లలో 100 డేస్ అని వేశారు. ఇదే విషయాన్ని ఆయన దగ్గరికి వెళ్లి అడిగా.. ఫ్యాన్స్ తో చాలా ఇబ్బంది ఉంది. నీకు తెలీదు మాకుండే డెలికేట్ ఇష్యూస్ అని అరవింద్ గారు చెప్పారు. ఆయన చెప్పింది నాకు అర్థం అయినప్పటికీ మాటంటే మాటే కదా అందుకే 100 డేస్ పంక్షన్ కి వెళ్లలేదు. అయినప్పటికీ ఆ తర్వాత మా రిలేషన్ బాగానే కొనసాగుతూ వస్తోందని వివరించాడు రాజమౌళి.