మహానుభావుడు కాపీ కాదు: మారుతి

Posted: 09/19/2017 06:13 PM IST

భలే భలే మగాడివోయ్ తో స్టార్ హీరోలను డైరక్టర్ చేసే రేంజ్ కి వెళ్లిపోయిన మారుతి.. తన తర్వాతి చిత్రం బాబు బంగారంతో కంప్లీట్ గా ఢీలా పడిపోయాడు. ప్రస్తుతం ఈ యంగ్ డైరక్టర్ ఆశలన్నీ మారుతి దర్శకత్వంలో 'మహానుభావుడు' సినిమా పైనే. పెద్ద చిత్రాల మధ్య పోటీ నడుమ 29వ తేదీన విడుదల కానుంది. ఈ నేపథ్యంలో ఈ సినిమా నుంచి
ట్రైలర్ ను వదలగా.. అది బాగానే ఆకట్టుకుంది.

హీరో అతిశుభ్రత అనే వ్యాధితో బాధపడుతున్న కాన్సెప్ట్ ను ట్రైలర్ లో చూపించారు. అయితే ఇది ఓ సౌత్ సినిమాకు కాపీలా ఉందన్న విషయాన్ని పలువురు తెరపైకి తెస్తున్నారు. 2013లో ఫాహద్ ఫాజిల్ .. స్వాతి రెడ్డి జంటగా మళయాళంలో ఓ చిత్రం వచ్చింది. 'నార్త్ 24 కాథమ్'గా వచ్చిన చిత్రం బ్లాక్ బస్టర్ అయ్యింది. ఆ సినిమా కాన్సెప్ట్ దాదాపు 'మహానుభావుడు' సేమ్ ఉన్నాయంటూ చర్చించుకుంటున్నారు.

దీనిపై దర్శకుడు మారుతి స్పందించాడు. అతిశుభ్రత అనే కథాంశంతో పలు భాషల్లో కూడా చిత్రాలు వచ్చాయని.. అంత మాత్రాన పోలిక పెట్టడం సరికాదని ఆయన అంటున్నారు. మహానుభావుడు చిత్రానికి ఏ చిత్రంతో పోలిక ఉండదని.. ఈ చాలా ఫ్రెష్ కాన్సెప్ట్ అని చెబుతున్నాడు.