ఆస్కార్ 2018 ఎంట్రీకి బాలీవుడ్ న్యూటన్

Posted: 09/22/2017 03:52 PM IST

బాలీవుడ్ లో టాలెంటెడ్ నటుడిగా పేరు సంపాదించుకున్న రాజ్ కుమార్ రావు తాజా చిత్రం న్యూటన్ పంట పడింది. చిత్రం ప్ర‌తిష్ఠాత్మ‌క‌ ఆస్కార్ అవార్డు ఎంట్రీకి ఎంపికైంది. ఉత్త‌మ విదేశీ చిత్రం విభాగంలో ఈ సినిమా నామినేట్ అయింద‌ని అధికారికంగా ప్ర‌క‌ట‌న వ‌చ్చింది.

మరోవైపు చిత్ర హీరో రాజ్‌కుమార్ రావు ఆస్కార్‌కు నామినేట్ అయినందుకు హ‌ర్షం వ్య‌క్తం చేశాడు. ఈ సినిమా బృందానికి శుభాకాంక్ష‌లు తెలుపుతున్న‌ట్లు త‌న ట్విట్ట‌ర్ ఖాతాలో పేర్కొన్నాడు. రాజ‌కీయ వ్యంగ్య‌రూప‌కంగా తీసిన ఈ సినిమాలో రాజ్‌కుమార్ రావుతో పాటు పంక‌జ్ త్రిపాఠి, అంజ‌లి పాటిల్‌, ర‌ఘుబిర్ యాద‌వ్ ప్ర‌ధాన‌పాత్ర‌ల్లో న‌టించారు. ఇప్పటికే పలు అంతర్జాతీయ ఫిల్మ్ ఫెస్టివల్స్ లో ప్రదర్శితమైంది.

Very happy to share this news that #NEWTON is India's official entry to the #OSCARS this year. Congratulations team.

— Rajkummar Rao (@RajkummarRao) September 22, 2017

అడవుల్లో పారదర్శకంగా ఎన్నికలు నిర్వహించాలనే కాన్సెప్ట్ తో ఈ చిత్రం రూపుదిద్దుకుంది. ఈ సినిమాకు అమిత్ మసూకర్ దర్శకత్వం వహించారు. ఈ చిత్రం ఇవాళే రిలీజ్ కావటం.. అస్కార్ కు నామినేట్ కావటం డబుల్ సంతోషాన్ని ఇచ్చిందని అమిత్ తెలిపారు. విమర్శకుల ప్రశంసలు అందుకుంటున్న ఈ చిత్రం ఈ హైప్ తో ఎలాంటి కలెక్షన్లు రాబడుతుందో చూడాలి.