షారూఖ్ కొడుకు ఫోటోలు ట్వీట్ చేసిన బిగ్ బీ

Posted: 11/20/2017 05:13 PM IST

బాలీవుడ్ లో ఆధిపత్య పోరుకు పుల్ స్టాప్ పెడుతూ సీనియర్ హీరోలంతా కలిసి మెలిసి ఉండటం ఈ మధ్య బాగా కనిపిస్తుంది. మెగాస్టార్ అమితాబ్ బచ్చన్, బాద్ షా షారూఖ్ ల మధ్య కూడా కొన్నేళ్ల క్రితం ఇలాంటి గ్యాపే ఒకటి ఏర్పడింది. కానీ, తర్వాత వారిద్దరూ మనస్పర్థలను పక్కన పెట్టేసి ఒకటైపోయారు కూడా.

తాజాగా ఐష్-అభిషేక్ ల కూతురు, అమితాబ్ మనవరాలు ఆరాధ్య పుట్టిన‌ రోజు వేడుకలకు షారూఖ్ ఫ్యామిలీ కూడా హాజరయ్యింది. ఈ సందర్భంగా షారుక్ చిన్న కొడుకు అబ్‌రామ్‌ పీచు మిఠాయి కావాలని మారాం చేశాడంట. దీంతో బిగ్ బీ నే స్వయంగా అబ్ రామ్ ను తీసుకుని ఓ మిఠాయి స్టాల్ వద్దకు తీసుకెళ్లి ఇప్పించాడు. ఆ ఫోటోను ట్వీట్ చేసిన అమితాబ్ జూనియర్ షారూఖ్ తో వెలకట్టలేని సమయం అంటూ ట్వీట్ చేశాడు.

దానికి రీ ట్వీట్ చేసిన షారుక్ థాంక్స్ తెలియజేశాడు. థాంక్యూ స‌ర్‌.. ఇది వాడి జీవితంలో చెప్పుకోద‌గిన క్ష‌ణం. అన్నట్లు.. వాడు మిమ్మ‌ల్ని టీవీలో చూసిన‌ప్పుడ‌ల్లా నా తండ్రి అనుకుంటాడు` అంటూ షారుక్ ట్వీటాడు. ఈ ఇద్దరూ కలిసి మొహబ్బతెయిన్,వీర్ జార,కబీ ఖుషీ కబీ ఘమ్, భూత్ నాథ్ చిత్రాల్లో నటించిన విషయం తెలిసిందే. ప్రస్తుతం ఈ ఫోటో వైరల్ అవుతోంది.

 

T 2716 - And as for this little bundle .. he wanted the fluffy 'buddhi ka baal' cone .. so we took him to the stall made one for him and the joy of getting it is just priceless .. Abram, jr Shahrukh .. delectable !! pic.twitter.com/8SMF9YsH7p

— Amitabh Bachchan (@SrBachchan) November 19, 2017

Thank u sir. This is a moment he will always cherish. By the way he thinks u r my ‘papa’ when he sees u on TV. https://t.co/2WUiFPAEWy

— Shah Rukh Khan (@iamsrk) November 20, 2017