గెట్ టు గెదర్ ఫోటోను షేర్ చేసిన రాధిక

Posted: 11/21/2017 05:04 PM IST

ఎవరెంత బిజీగా ఉన్న సౌత్ ఇండియా ఆర్టిస్టులు ఏడాదికొకసారి కలుస్తుండటం మనం చూస్తున్నాం. ఏడేళ్లుగా ఇదే పని చేస్తున్న నటులు ఇప్పుడూ 8వ ఏట కూడా కలుసుకున్నారు.

`80's సౌత్‌ యాక్టర్స్‌ రీ-యూనియన్‌’ పేరుతో జ‌రుపునే ఈ వేడుక న‌వంబ‌ర్ 17న‌ మ‌హాబ‌లిపురంలో జ‌రిగింది. అంద‌రూ ఒకే రంగు దుస్తులు ధ‌రించి, ఆనందంగా ఫొటోల‌కు పోజులిచ్చారు.ఈ సారి వంగ‌పువ్వు రంగును తమ థీమ్‌గా ఎంచుకున్నారు. ఈ వేడుక‌లో ఆట‌లు, పాట‌ల‌తో పాటు ర్యాంప్ వాక్‌లు కూడా నిర్వ‌హించుకున్నార‌ట‌.ఈ వేడుక‌కు సంబంధించిన ఓ గ్రూప్ ఫొటోను న‌టి రాధిక త‌న ట్విట్ట‌ర్ ఖాతాలో పంచుకుంది. `ఎ ల‌వ్లీ వీకెండ్ విత్ ద 80's ఫ్రెండ్స్ ఫ‌ర్ లైఫ్‌` అంటూ ఆమె పోస్ట్ చేసింది.

రెండు రోజుల పాటు జ‌రిగిన ఈ పార్టీలో చిరంజీవి, వెంకటేశ్‌, సురేశ్‌, భానుచందర్‌, శరత్‌కుమార్‌, నరేష్‌, రెహమాన్‌, జయసుధ, రాధిక, శోభన, సుహాసిని, ఖుష్బూ, రమ్యకృష్ణ, సుమలత, నదియ, రాధ, లిజీ, రేవతి తదితరులు పాల్గొన్నారు. అయితే ఆ పోటీల్లో చిరంజీవి బృందం గెలిచిన‌ట్లు తెలుస్తోంది.