రాజశేఖర్ కూతురి డెబ్యూ కన్ఫర్మ్

Posted: 01/23/2018 04:29 PM IST

హీరో రాజశేఖర్ కూతురు శివాని సినీ అరంగేట్రం గురించి చాలా రోజుల నుంచి వార్త‌లు వినిపిస్తున్నాయి. గతంలో రాజ‌శేఖ‌ర్ కూడా తన కూతురు సినిమాల్లోకి రాబోతున్న‌ట్టు ప్ర‌క‌టించారు. ఈ క్రమంలో ఆమె నటించే చిత్రానికి సంబంధించిన ఎట్టకేలకు సమాచారం వెల్లడైంది.

ఇంతకు ముందు చెప్పకున్నట్లు బాలీవుడ్‌లో అర్జున్ కపూర్-ఆలియా భ‌ట్‌ నటించిన `2 స్టేట్స్‌` సినిమా తెలుగు రీమేక్‌తో శివానీ ఎంట్రీ ఇవ్వ‌నుంట. అడ‌వి శేష్ హీరో గా నటిస్తున్న ఈ చిత్రానికి వెంకట్ రెడ్డి దర్శకత్వం వహిస్తున్నారు. ఫిబ్రవరిలో ఈ సినిమా షూటింగ్ మొదలుపెడుతున్నట్లు చిత్ర బృందం పేర్కొంది.

లక్ష్య ప్రొడక్షన్స్ బ్యానర్లో నిర్మితమవుతున్న ఈ సినిమాకి అనూప్ రూబెన్స్ స్వరాలు సమకూరుస్తున్నాడు.