నేనెవరి ఫోన్ పగలగొట్లేదు : అనసూయ

Posted: 02/06/2018 03:25 PM IST

ప్రముఖ యాంకర్ అనసూయపై ఓ మహిళ పోలీసులకు ఫిర్యాదు చేసింది. తమ ఫోన్ ను పగలగొట్టడమే కాక, తమపై అసభ్యపదజాలంతో దుర్భాషలాడిందని ఉస్మానియా యూనివర్శిటీ పరిధిలోని పోలీస్ స్టేషన్ లో ఫిర్యాదు చేసింది.

ఒక పని నిమిత్తం హైదరాబాదులోని తార్నాక ప్రాంతానికి అనసూయ వెళ్లింది. అదే సమయంలో తన తల్లితో పాటు ఓ బాలుడు అటుగా వెళ్తున్నాడు. అనసూయ కనిపించగానే ఆమె వద్దకు వెళ్లి, అభిమానంతో సెల్ఫీ తీసుకోవాలనుకున్నాడు. తమ మొబైల్ ద్వారా ఫొటో తీసుకునేందుకు ప్రయత్నించగా... ఇది గమనించిన అనసూయ ఆగ్రహంతో బాలుడి చేతిలోని ఫోన్ ను లాక్కుని, నేలకేసి కొట్టింది.

జరిగిన ఘటనతో తల్లీకుమారుడు ఇద్దరూ బిత్తరపోయారు. ఫోన్ ఎందుకు పగలగొట్టావని బాలుడి తల్లి ప్రశ్నించగా... సమాధానం చెప్పకుండానే, వారిని దుర్భాషలాడుతూ అనసూయ అక్కడి నుంచి వెళ్లి పోయింది. దీంతో, తీవ్ర ఆగ్రహానికి గురైన సదరు మహిళ పోలీస్ స్టేషన్ లో ఫిర్యాదు చేసింది.

అనసూయ వివరణ...
అయితే ఆ మహిళ చేస్తున్న ఆరోపణలను ట్విటర్ వేదికగా అనసూయ కొట్టిపడేసింది. తానే ఫోన్ పగలగొట్టలేదని.. సోమవారం తన తల్లిని చూసేందుకు వెళ్లిన సమయంలో ఆ తల్లికొడుకులిద్దరూ తనను వీడియో తీయటం ప్రారంభించారని.. వారిద్దరు తనకు దగ్గరగా రావటం గమనించి వారించి కారు ఎక్కేసి వచ్చానని ఆమె వివరణ ఇచ్చుకుంది.

Not that the country needs such news.. but.. to those whom I am answerable.. #facts
I am sorry her phone broke but i think its not fair that i should be blamed for what i remotedly didn’t.. we owe our privacy. https://t.co/vAjqQ8glfu
— Anasuya Bharadwaj (@anusuyakhasba) February 6, 2018