షూటింగ్లో విజయ్ దేవరకొండకు ప్రమాదం.. తప్పిన పెను‘గంఢం’..

Posted: 12/17/2018 08:53 PM IST

Tollywood young hero vijay devarakonda injured in shooting

వరుస హిట్ చిత్రాలతో దూసుకుపోతున్న విజయ్ దేవరకొండ షూటింగ్‌లో గాయపడ్డారు. తాజాగా ఆయన నటిస్తున్న ‘డియర్ కామ్రేడ్’ షూటింగ్‌లో భాగంగా ఓ రిస్కీ షాట్‌లో గాయలపాలయ్యారు. ప్రస్తుతం ఈ సినిమా షూటింగ్ కాకినాడలో జరుగుతోంది. యాక్షన్ సీన్స్ చిత్రీకరిస్తున్న సమయంలో పరుగెత్తుకుంటూ వచ్చి ట్రైన్ ఎక్కాల్సిన విజయ్ దేవరకొండ.. కాలు స్లిప్ కావడంతో కిందపడ్డాడు. వెంటనే పక్కనే ఉన్న షూటింగ్ క్రూ ఆయన్ని పట్టుకుని పక్కకు లాగేయడంతో పెద్ద ప్రమాదమే తప్పింది.

ఆయన కింద పడిన సందర్భంలో పక్కనే ట్రైన్ రన్నింగ్ లోనే ఉంది. ఈ ప్రమాదంలో విజయ్ దేవరకొండ చేతికి స్వల్ప గాయాలయ్యాయి. కాగా తనకు గాయాలైన వీడియోను సోషల్ మీడియాలో షేర్ చేశారు విజయ్ దేవరకొండ. ఆందోళన చెందాల్సిన అవసరం లేదని.. విజయాలు ఊరికే రావంటూ తన క్షేమ సమాచారాన్ని అభిమానులకు తెలియజేశారు విజయ్ దేవరకొండ. ప్రస్తుతం ఈ వీడియో సోషల్ మీడియాలో వైరల్ అవుతుంది.

కాగా టాక్సీవాలా చిత్రంతో విజయం అందుకున్న విజయ్ దేవరకొండ.. తన ఫోకస్ మొత్తం ‘డియర్ కామ్రేడ్’ మూవీపై ఉంచారు. ఈ చిత్రానికి భరత్ కమ్మ దర్శకత్వం వహిస్తుండగా మైత్రీ మూవీ మేకర్స్, బిగ్ బెన్ బ్యానర్స్ సంయుక్తంగా నిర్మిస్తున్నాయి. విజయ్ దేవరకొండతో రష్మిక మండన్న హీరోయిన్ గా నటిస్తోంది. జస్టిన్ ప్రభాకరన్ సంగీతం అందిస్తున్నారు.