దాసరి నాకు వరుసకు.. రిలేషన్ చెప్పిన చిరు

Posted: 05/06/2019 07:44 PM IST

Chiranjeevi relation ship with dasari narayana rao

మెగాస్టార్ చిరంజీవికి ద‌ర్శ‌క‌ర‌త్న దాస‌రి నారాయ‌ణరావుకు మధ్య వున్న రిలేషన్ షిప్ ఏమిటో తెలుసా.? వారిద్దరూ వరుసకు బంధువులు అవుతారన్న విషయం టాలీవుడ్ లో చాలా మందికి తెలియదు. అసలు వారిద్దరూ వరుసకు ఏమవుతారో తెలుసా..? ఈ విషయాన్ని స్వయంగా చిరంజీవి ప్రకటించారు. దాసరినారాయణరావు జయంతిని పురస్కరించుకుని డైరెక్ట‌ర్స్ డేగా అని ప్ర‌క‌టించి సెల‌బ్రేట్ చేసుకుంటున్న వేడుకలోనే చిరంజీవి హాజరై తమ మధ్య వున్న రిలేషన్ ఏంటో చెప్పారు.

దాస‌రి నారాయణతో తనకు సినిమాల కంటే వ్య‌క్తిగ‌తంగా మంచి అనుబంధం ఉంది. చివ‌రి రోజుల్లో ఆ అనుబంధం మ‌రింత బ‌లంగా మారిందని ఆయన చెప్పారు. చాలా మందికి తెలియ‌ని విష‌యం ఏంటంటే అంటూ వారిద్దరి మధ్య వున్న బంధుత్వాన్ని చెప్పారు. తనకు, దాసరి నారాయణరావు వ‌రుస‌కు తాత అవుతారని చెప్పారు. ఈ విష‌యాన్ని దాస‌రిగారు చాలా సంద‌ర్భాల్లో చెప్పారు కూడా. నా 150వ చిత్రం `ఖైదీ నంబ‌ర్ 150`కి విజ‌య‌వాడ వ‌చ్చి న‌న్ను ఆశీర్వ‌దించారని చెప్పారు. అల్లు రామ‌లింగ‌య్య అవార్డుని తాను స్వ‌యంగా ఆయ‌న ఇంటికి తీసుకు వెళ్లి అంద‌జేశాన అని చిరంజీవి అన్నారు.