పవన్ కల్యాణ్ ‘వకీల్ సాబ్’ నుంచి ఫస్ట్ సింగిల్ ప్రోమో

Posted: 03/06/2020 09:14 PM IST

Pspk26 first single pawan kalyan vakeel saab maguva maguva song promo

టాలీవుడ్ నటుడు పవర్ స్టార్ పవన్ కల్యాణ్ మూడేళ్ల తరువాత సినీరంగంలోకీ రీ-ఎంట్రీ ఇస్తూ.. తనను అనునిత్యం అదరించే అడపడచుల కోసం.. మరీ ముఖ్యంగా మహిళా ఫ్యాన్స్ కోసం మహిళా దినోత్సవాన్ని పురస్కరించుకుని మంచి కానుకను అందించనున్నారు. మార్చి 2 ఈ చిత్రానికి సంబంధించిన ఫస్ట్ లుక్ విడుదల చేయడంతో పాటు చిత్రం టైటిల్ ను కూడా కన్ఫాప్ చేసిన చిత్ర యూనిట్.. చిత్రానికి సంబంధించిన ఫస్ట్ సింగిల్ కోసం నిరీక్షిస్తున్నారు.

తాను కూడా మార్చి 8 ఎప్పుడు వస్తుందా.? అని ఎదురుచూస్తున్నానని, తనతో పాటు ఫస్ట్ సింగిల్ కోసం ప్రేక్షకులు అందరూ నిరీక్షిస్తుంటరాని తనకు తెలుసునన్న ఈ చిత్ర సంగీత దర్శకుడు ఎస్ థమన్.. ఆగలేని అభిమానుల కోసం ఫస్ట్ సింగిల్ ప్రోమోను విడుదల చేశారు. ‘‘మగువా.. మగువా లోకానికి తెలుసా నీ విలువా..? మగువా మగువా నీ సహనానికి సరిహద్దులు కనవా..’’ అంటూ సాగుతుంది.

సిద్ శ్రీరామ్ ఆలపించిన ఈ పాటను అంతర్జాతీయ మహిళా దినోత్సవం సందర్భంగా ఈ నెల 8వ తేదీ ఉదయం 10 గంటలకు లిరికల్ సాంగ్ విడుదల చేయనుంది చిత్రయూనిట్.
ఈ విషయాన్ని తెలియజేస్తూ ‘మగువ మగువ’ సాంగ్ ప్రోమోను విడుదల చేసింది. ‘మగువ మగువ లోకానికి తెలుసు నీ విలువ.. మగువ మగువ నీ సహనానికి సరిహద్దులు కలవా..’అంటూ కొనసాగే ఈ పాటను రామజోగయ్య శాస్త్రి కలం నుంచి జాలువారిందే. ఈ చిత్రాన్ని దిల్ రాజు.. బోని కపూర్ సంయుక్తంగా నిర్మిస్తున్న విషయం తెలిసిందే.