వృద్ద వికాలాంగుడి పాలిట మృత్యుశకటంలా స్టార్ హీరో కారు..

Posted: 03/24/2022 04:13 PM IST

కొలీవుడ్ కు చెందిన స్టార్ హీరో కారు.. ఆ వికలాంగుడి పాలిట మృత్యుశకటంగా మారింది. రెండుకాళ్లు పనిచేయని ఓ వికలాంగ వృద్ధుడు రోడ్డు దాటేందుకు అవస్థలు పడుతుండగా, అతడ్ని గమనించని స్టార్ హీరో కారు ఢీకొనింది. దీంతో వృద్ద వికలాంగుడు అక్కడికక్కడే మరణించాడు. క్రితం రోజు రాత్రి చెన్నైలో ఈ ఘటన చోటుచేసుకుంది. కోలీవుడ్ లో అగ్రహీరోగా రాణిస్తున్న శింబు కారు ఢీకోనడంతో వృద్ద వికలాండుగు ఘటనాస్థలంలోనే ప్రాణాలు కోల్పోయాడు.

ఈ ఘటనకు సంబంధించి శింబు డ్రైవర్​ సెల్వంను పోలీసులు అదుపులోకి తీసుకుని విచారిస్తున్నారు. అయితే ఈ ప్రమాద ఘటన చోటుచేసుకున్న సమయంలో స్టార్ హీరో శింబు గానీ అతడి కుటుంబసభ్యులు గానీ కారులో ఉన్నారా? అనేది తెలియాల్సి ఉంది. దీనిపై వారు ఇంకా స్పందించలేదు. కాగా, ప్రమాదఘటన వివరాల్లోకి వెళ్తే.. చెన్నైలో బుధవారం రాత్రి 8 గంటల సమయంలో రోడ్డు పక్కనే పేవ్​మెంట్​పై నివసించే వృద్ద వికలాంగుడు మునుస్వామి.. నెమ్మదిగా రోడ్డు దాటుతున్నాడు.

అయితే వరుసగా వాహనాలు వస్తుండటంతో కాసింత సేపు అగి అటు ఇటు తన చేతుల సాయంతో కదులుతూ ముందుకు రాసాగాడు. సరిగ్గా మలువు వద్ద రోడ్డు మధ్యలోకి వచ్చిన వికలాంగుడిని టర్నింగ్​ తీసుకుంటున్న శింబు కారు ఢీకొట్టింది. వెంటనే కారు అక్కడి నుంచి అగకుండా వెళ్లిపోయింది. ఈ ఘటన సీసీటీవీ కెమేరాకు చిక్కింది. అక్కడే ఉన్న స్థానికులు కారును వెంబడించడం అందులో కనబడుతోంది. ఆ తర్వాత మునుస్వామిని ప్రభుత్వ ఆస్పత్రికి తరలించగా.. అతడు చనిపోయాడని వైద్యులు తెలిపారు. 

Cctv footage of a differently abled man being run over by a car that belonged to actor Simbu’s father and director T Rajendran at T Nagar ⁦@TOIChennai⁩ pic.twitter.com/WBvveHkk54

— SINDHU KANNAN (@SindhukTOI) March 23, 2022