Posted: 03/17/2012 03:44 PM IST

టాలీవుడ్ హీరోలకు శాపం తగిలినట్లు .. ఈ మధ్య కాలంలో సినిమా హిట్లు లేక హీరోలు అల్లాడిపోతున్న విషయం తెలిసిందే.. అలాంటి హీరోలలో యంగ్ హీరో రానా ఒకరు. రామానాయుడు మనవుడు అయ్యి ఉండి, ప్రముఖ నిర్మత సురేష్ కొడుకు అయిన రానా కు .. చెప్పుదగ్గ హిట్లు లేవు. బాబాయ్ వెంకటేష్ దగ్గర సలహాలు తీసుకుని తను చేయబోయే సినిమా హిట్ చాలా కష్టపడుతున్నట్లు తెలుస్తుంది. ప్రముఖ వివాదాల దర్శకుడు .. రామ్ గోపాల్ వర్మ దర్శకత్వంలో రానా కథానాయకుడిగా నటించనున్న చిత్రం 'అందం'. ఇప్పుడు ఈ అందంతో.. హిట్ కొట్టాలని చూస్తున్నాడని ఫిలింనగర్ సమాచారం.

అందం కోసం రానా .. సిక్స్ ఫ్యాక్ బాడీని చూపించటానికి చాలా కష్టపడుతున్నాడట. ఎందుకంటే.. టాలీవుడ్ కామీడియన్ హీరో.. సునీల్ , పూలరంగడు సినిమాలో సిక్స్ ఫ్యాక్ బాడీ చూపించి టాలీవుడ్ అభిమానులు దగ్గర మార్కులు కొట్టేశాడు. ఇప్పుడు రానా కూడా సునీల్ బాటలోనే నడుస్తున్నట్లు తెలుస్తుంది. అందు కోసం తన బాడీని సిక్స్ ప్యాక్ కోసం ట్రై చేస్తున్నట్లు తెలిసింది.

రానా హీరోగా నథాలియా కౌర్‌ కథానాయిక. రామ్‌గోపాల్‌ వర్మ దర్శకుడు. ఈ చిత్రంకోసం నాయకానాయికలపై ఇటీవలే ఫొటోషూట్‌ చేశారు. త్వరలోనే సెట్స్‌పైకి వెళ్లనుంది. వర్మ మాట్లాడుతూ ''ప్రేమ, యాక్షన్‌ అంశాలతో కూడిన చిత్రమిది. ఇప్పటిదాకా నా సినిమాలన్నీ మురికివాడలు, ఇరుకు సందులు, చీకటి ఇళ్ల నేపథ్యంలోనే సాగాయి. అందుకు భిన్నంగా ఈ చిత్రాన్ని తెరకెక్కించబోతున్నా. మొత్తం విదేశాల్లోనే చిత్రీకరణ జరుపుతాం. అత్యంత అందమైన లొకేషన్లలో ఈ చిత్రాన్ని రూపొందించాలన్నది నా ఆలోచన'' అన్నారు. రానా-వర్మ కలయికలో తెరకెక్కుతున్న 'డిపార్ట్‌మెంట్‌' అనే చిత్రంలో నథాలియా ఒక ప్రత్యేక గీతానికి నర్తించింది. ఆ సమయంలోనే ఆమెను నాయికగా తీసుకొని 'అందం' అనే చిత్రాన్ని తీయబోతున్నానని వర్మ ప్రకటించారు. ఈ సారైన హిట్ సాదించాలని కోరుకుందాం.