Posted: 05/15/2012 06:30 PM IST

ఆ భవనాలు ఏ స్థాయిలో ఉన్నదీ అంచనా వేసేందుకు బెంగళూరు, హైదరబాద్‌, పులివెందులలో ఉన్న రాజప్రాసాదాలను తలపించే స్వగృహాలను తనిఖీ చేసేందుకు మీడియాను అనుమతించాల్సిందిగా జగన్‌కు బొత్స సవాల్‌ చేశారు.  ఆంధ్రప్రదేశ్‌ కాంగ్రెస్‌ కమిటీ (పిసిసి) అధ్యక్షుడు బొత్స సత్యనారాయణ వైఎస్సార్‌ కాంగ్రెస్‌ పార్టీ అధ్యక్షుడు వై.ఎస్‌.జగన్మోహన్‌ రెడ్డిని సవాల్‌ చేశారు.

హైదరాబాద్‌లో 70 గదుల విలాసవంతమైన భవనంలో నివసిస్తున్న జగన్‌కు పేద ప్రజల గురించి తెలియదంటూ ఆరోపించిన ముఖ్యమంత్రి నల్లారి కిరణ్‌ కుమార్‌ రెడ్డిని సత్యనారాయణ వెనకేసుకొచ్చారు. ''అవును. నిజమే.. హైదరాబాద్‌, పులివెందుల(స్వంత పట్టణం), బెంగళూరులో జగన్‌కు విలాసవంతమైన భవనాలు ఉన్నాయి. ఆ భవనాలను తనిఖీ చేసేందుకు మీడియాను ఆయన అనుమతించాలి. ఒకవేళ మా ఆరోపణ తప్పని తేలిన పక్షంలో మేం దాన్ని దిద్దుకుంటాం'' అని బొత్స తెలిపారు. జూన్‌ 12న జరిగే ఉపఎన్నికల ప్రచారంలో భాగంగా ముఖ్యమంత్రి, పిసిసి అధినేత వ్యక్తిగతంగా జగన్‌ను లక్ష్యంగా చేసుకున్నారు. అవినీతి ఆరోపణలు, 'నేరస్థులతో సంబంధాల'తో పాటుగా జగన్‌కు చెందిన విలాసవంతమైన భవనాలు, ఆయన జీవన శైలిని కాంగ్రెస్‌ నేతలు.. రాజకీయంగా తమకు పెను ముప్పుగా ఆవిర్భవించిన వైఎస్సార్‌ కాంగ్రెస్‌ పార్టీ అధినేతపై అస్త్రాలుగా వాడుకుంటున్నారు. ''అక్రమ మార్గాల్లో జగన్‌ భారీగా ఆస్తులను ఎలా సంపాందించుకుందీ మేం ఓటర్లకు వివరిస్తున్నాం. ప్రజలకు నచ్చచెప్పగలుగుతున్నాం'' అని బొత్స చెప్పుకొచ్చారు.

తనకంటూ ఎలాంటి విధానాలు లేని జగన్‌.. కాంగ్రెస్‌ పథకాలు తనవిగా డప్పు కొట్టుకుంటున్నారని పిసిసి అధ్యక్షుడు ఆరోపించారు. 18 శాసనసభ స్థానాలు, ఒక లోక్‌సభ స్థానానికి జరిగే ఉపఎన్నికలు రాష్ట్రంలో కాంగ్రెస్‌ ప్రభుత్వానికి 'రెఫరెండం' కాదని సత్యనారాయణ తెలిపారు. కానీ అవి 'మోసపూరితమైన అవినీతికర' శక్తులు, 'నిజాయితీతో కూడిన అభివృద్ధి చేసే' శక్తుల మధ్య పోరుగా బొత్స చెప్పుకొచ్చారు. ''అభివృద్ధి, సంక్షేమాలే మా అజెండా. పేదలను పట్టించుకునే ఏకైక పార్టీ కాంగ్రెస్‌ మాత్రమే బొత్స సత్యనారాయణ అంటున్నారు.