Posted: 02/27/2013 05:12 PM IST

మేనల్లుడు, ఆల్ రెడీ చంచల్ గూడ జైల్లో ఉన్న విషయం తెలిసిందే.  ఇప్పుడు ఆయన మేనమామ కూడా  అల్లుడు వద్దకే వచ్చి సెటిల్ అవుతున్నట్లు  సమాచారం.  దివంగత  మాజీ ముఖ్యమంత్రి  వై.ఎస్, రాజశేఖర రెడ్డి బావమరిది, కడప మాజీ మేయర్ రవీంద్రనాథ్ రెడ్డి కడప కోర్టులో  లొంగిపోయిన విషయం తెలిసిందే.  వైఎస్ఆర్ కాంగ్రెస్ పార్టీ అధినేత  వైఎస్  జగన్మోహన్ రెడ్డికి స్వయాన మేనమామ అయిన రవీంద్ర రెడ్డి  కోర్టుకు లొంగిపోవటంతో..  ఆయన కూడా  చంచల్ గూడ జైలుకే వస్తారని  పోలీసు వర్గాలు  అంటున్నాయి.  జగన్ అంటే అక్రమా ఆస్తుల కేసులో జైల్లో ఉన్నారు. మరీ జగన్ మేనమామ ఏ నేరం చేశాడని  చాలా మందికి సందేహం రావచ్చు. కానీ కడప మేయర్ గా ఉన్న రవీంద్ర రెడ్డి  కడప సహకార బ్యాంక్  ఎన్నికలలో  అధికారుల  సంతకం ఫోర్జరీ  చేశారనే  ఆరోపణలపై  అతనిపై  కేసు నమోదయ్యింది.  ఆ తర్వాత  రవీంద్ర రెడ్డిని  ఎప్పుడైనా అరెస్ట్ చేయవచ్చని ప్రచారం జరిగింది. ఈ విషయం తెలుసుకున్న జగన్ మేనమాన  అప్పటి నుండి అజ్నాతంలోకి  వెళ్లిపోవటం జరిగింది.  అయితే  ఇప్పుడు కడప కోర్టులో లొంగిపోయిన రవీంద్ర రెడ్డి, ప్రభుత్వం కావాలని నా పై రాజకీయ కుట్ర చేస్తుందని  ఆయన  ఆరోపిస్తున్నారు.  కడప జిల్లాలో  వైఎస్ఆర్ కాంగ్రెస్ పార్టీకి  ఉన్న కీలక నేతల్లో జగన్ మేనమామ ఒకరు. అయితే  రవీంద్ర రెడ్డి  లొంగిపోవటం పై  కడప రాజకీయంలో ఏం జరుగుతుందో  ఎవ్వరికి అర్థం కావటం లేదని కడప రాజకీయ నాయకులు అంటున్నారు. అయితే  జగన్ మేనమామ కూడా  జగన్ దగ్గరే రావటం,  జగన్ ఆప్తమిత్రుడు  గాలి జనార్థన్ రెడ్డి  కూడా జైల్లో  ఉండటం పై  అనేక పుకార్లు వినిపిస్తున్నాయి.  ఈ ముగ్గురు కలిసి  కొత్త రాజకీయానికి  పునాది వేస్తారా ? అనే రాజకీయ పుకార్లు పుడుతున్నాయి.  వైఎస్  రాజశేఖర్ అండతోనే  రాజకీయల్లో ఎదిగిన జగన్ మేనమామ.. జైల్లో  ఉన్న అల్లుడు మాటలు వింటాడో లేదో  చూడాలి.