Posted: 03/10/2013 04:22 PM IST

ఒక్కో పనికి ఒక్కో విధమైన అర్హత ఉంటుంది.  తెలుగు హీరోయిన్లు తెలుగు సరిగ్గా మాట్లాడలేని వాళ్ళయ్యుండాలి, తమిళ హీరోయిన్లు బొద్దుగా తెర నిండా కనిపించాలి, అలాగే హాలీవుడ్ లో హీరో గా చెయ్యటానికి ముద్దు గుమ్మలతో చక్కగా ముద్దుల సన్నివేశాలలో జీవించేవాడు కావాలి.  

సీరియల్ కిస్సర్ గా పేరు గాంచిన ఇమ్రాన్ హష్మిని మించిన ముద్దుల మొనగాడు హిందీ చిత్రరంగంలో మరొకడు లేడు కాబట్టి హాలీవుడ్ సినిమా నిర్మాణంలో గునీత్ మోంగా సరైనవాడికోసం వెదుకుతుంటే, అప్పటికే అంతర్జాతీయ ఖ్యాతి గడించి బెర్లిన్ ఫిల్మ్ ఫెస్టివల్ కి ఆహ్వానం పొంది వెళ్లివచ్చిన ఇమ్రాన్ చటుక్కున మదిలో మెదిలాడట.  సరే మరి సరిజోడు ఎవరు అనుకుంటే జేమ్స్ బాండ్ సినిమాలో నటించిన హాలీవుడ్ తార మరియమ్ డి అబు.  ఇంకేముంది, ఇద్దరూ ముద్దుల మొనగాళ్ళే కాబట్టి డి అబు 1987లో లివింగ్ డే లైట్స్ లో చేసిన ముదురు తారైతే ఏమైంది, ముద్దు మురిపాలకిక లోటుందని అనుకుంటున్నారు.