బాబు ఒకటి- హరిక్రిష్ణ రెండు- బాలయ్యకు నొప్పులు

Posted: 08/29/2013 03:51 PM IST

సై అంటే సై అంటూ బావ-బావమరది కయ్యానికి కాలుదువ్వుతున్నారు. నారా వారి వర్సెస్ నందమూరి వారు తాడో పేడో తెల్చుకోవటానికి రాజకీయంగా సిద్దమవుతున్నారు. ప్రజల సమక్షంలోనే పోటీలకు సై అంటూ.. తొడలు కొడుతూ, మీసాలు మేలేస్తూ సిద్దమయ్యారు చంద్రబాబు నాయుడు, హరిక్రిష్ణ. ఈ ఇద్దరు చంద్రబాబు సెప్టెంబర్ ఒకటో తేది నుండి ఆత్మగౌరవ యాత్ర అంటూ.. బస్సుయాత్ర చెయ్యటానికి తెలుగుదేశం పార్టీ శ్రేణులు అన్ని సిద్దం చేస్తున్నారు. అదేవిధంగా చంద్రబాబుకు పోటీ నందమూరి హరిక్రిష్ణ సమైక్యాంద్రకు మద్దతుగా సెప్టంబర్ రెండో తేది నుండి క్రిష్ణ జిల్లా నుండి బస్సుయాత్ర మొదలుపెడుతున్నారు. ఈ ఇద్దరు ఆవిధంగా ముందుకుపోతుంటే.. బాలయ్యకు తలనొప్పులు ఎక్కువైనట్లు రాజకీయ నాయకులు అంటున్నారు. ఒకవైపు బావ, వియ్యంకుడు, మరోవైపు అన్నగారు, రక్తసంబంధం. ఎటువైపుకు సై అన్నాలి, ఎటువైపు నై అన్నాలి అనే విషయం పై బాలయ్యకు తలపగిలిపోతుందని టిడిపి కార్యకర్తలు అంటున్నారు. ఎటువైపు మొగ్గుచూపిన ఎవరో ఒకరి శ్రతువుగా బాలయ్య మారే పరిస్థితి వచ్చందని కుటుంబ సభ్యులు చాలాబాధపడుతున్నట్లు సమాచారం. హరిక్రిష్ణకు అండగా పురందేశ్వరి దంపతులు మద్దతు ఉందని టీడీపీ వర్గాలు అంటున్నాయి. హరిక్రిష్ణ బస్సుయాత్ర అయ్యే ఖర్చు మొత్తం పురందేశ్వరి దంపతులే పెట్టుకుంటారని కాంగ్రెస్ నాయకులు గుసగుసలాడుకుంటున్నారు.

 

అంతేకాకుండా బాబు కు జూనియర్ ఎన్టీఆర్ పడని విషయం అందరికి తెలిసిందే. అసలే ఆవేషంగా ఉన్న ఎన్టీఆర్ కు పురందేశ్వరి దంపతులు అండ దొరకటంతో.. హరిక్రిష్ణ తెలుగుదేశం పార్టీని వీడినా ఆశ్చర్యం లేదని టిడిపి సీనియర్ నాయకులు అంటున్నారు. ఇటీవల ఎన్టీఆర్ మామగారు వైసీపీ లోకి వెళ్లుతున్నట్లు వార్తలు వస్తున్నాయి. అంటే హరిక్రిష్ణ కు వియ్యంకుడు. ఆయన కూడా హరిక్రిష్ణ కు పుల్ మద్దతు ఉన్నట్లు తెలుస్తోంది. ఆయన కూడా బాబు చేతిలో రాజకీయంగా నలిగిపోయిన వ్యక్తే కావటం విశేషం. జూనియర్ ఎన్టీఆర్, హరిక్రిష్ణ, పురందేశ్వరి దంపతులు, ఎన్టీఆర్ మామ నార్నేశ్రీనివాసరావు, వీరందరు కలిసి చంద్రబాబు, బాలయ్య, తెలుగుదేశం పార్టీల మీదకు సమరానికి సై అంటున్నారు. వీరందరిని నుండి హైటెక్ చాణుక్యుడు ఎలా తప్పించుకుంటాడో చూడాలి.