ఢికే అరుణ ‘టీ ’ ప్రయోగం పై విమర్శలు

Posted: 09/11/2013 03:10 PM IST

తెలంగాణ కాంగ్రెస్ మహిళ నాయకురాళ్ల మద్య పోటీ పెరిగిపోయింది. తెలంగాణ తమ వల్లే వచ్చింది, తెలంగాణ కాంగ్రెస్ మహిళ మంత్రులు వ్యవహరిస్తున్నారు. గీతా రెడ్డి, రేణుక చౌదరి, ఢికే అరుణల మద్య తెలంగాణ పోరు నడుస్తుంది. ఎవరికి వారే.. తెలంగాణ కాంగ్రెస్ మంత్రులను, నాయకులను తమ చుట్టు తిప్పుకుంటున్నారు. అందుకు ముఖ్యమంత్రి నల్లారి కిరణ్ కుమార్ రెడ్డిని బాగా వాడుకుంటున్నారు. ముఖ్యమంత్రిని నాలుగు తిట్లు తిట్టి, తెలంగాణ కాంగ్రెస్ మంత్రులతో సమావేశం అవుతున్నారు. రీసెంట్ గా డికే అరుణ తన హవా చూపిస్తుంది. ముఖ్యమంత్రిని మీడియా ముందు నాలుగు తిట్లు తిట్టి, తెలంగాణ కాంగ్రెస్ నాయకులను తన ఇంటికి ఆహ్వానించింది. ఢికే అరుణ ఇంటికి పిలవటంతో.. కొంత మంది తెలంగాణ కాంగ్రెస్ నాయకులు తోకలు ఊపుకుంటూ వెళ్లి, తమలో ఆగ్రహాన్ని వెళ్లగక్కారు. కొంతమంది అయితే.. ఢికే అరుణకు ముఖ్యమంత్రికి ఉన్న సన్నిహిత బంధాన్ని దుష్టిలో పెట్టుకొని.. ఆ సమావేశానికి వెళ్లకుండా ఆగిపోయినట్లు సమాచారం. ఈ సమావేశానికి ఢికే అరుణ ఆద్వర్యంలో జరిగినప్పటికి, ఈ సమావేశం వెనుక సీఎం హస్తం ఉందని తెలంగాణ కాంగ్రెస్ నాయకులు అంటున్నారు. మంత్రి జానారెడ్డి సపోర్టుతోనే ఢికే అరుణ తెలంగాణ కాంగ్రెస్ నాయకులను ఒక వేధిక మీదకు తీసుకురావాలని చాలా కష్టపడుతుంది. అయితే ఢికే అరుణ విషయం తెలిసిన తెలంగాణ కాంగ్రెస్ నాయకులు మాత్రం ఆమె ఎత్తులకు, ఆమె టీ పై చేసే ప్రయోగానికి చాలా దూరంగా ఉంటున్నట్లు తెలంగాణ కాంగ్రెస్ వర్గాలు అంటున్నాయి.