చండీ నుండి తప్పించుకున్న అనుష్క

Posted: 11/09/2013 01:38 PM IST

అనుష్క అంటే చాలు .. సినిమా విజయం అనే స్థాయికి ఎదిగిపోయింది. బొమ్మలి తొందరపాటు చర్యలతో కొన్ని సినిమాలు ప్లాప్ అయిన విషయం తెలిసిందే. అయితే ఇప్పుడు మాత్రం నిజంగా భారీ ప్లాప్ సినిమా నుంచి తప్పుకుంది. ఓ బ్లాక్ బస్టర్ సినిమా చేస్తే వచ్చే ఆనందం ఎలాంటిదో ఓ అట్టర్ ప్లాప్ సినిమా నుండి తప్పించుకున్నా అదే ఆనందం కలుగుతుంది. ఇంతకీ అనుష్క తప్పించుకున్న ఆ కళాఖండం ఏమిటో తెలుసా?

 

నల్లకలువ పిల్ల రీసెంట్ గా సినిమా చేయటం జరిగింది. ఈ నల్ల పిల్ల పెద్ద ఎన్టీఆర్ సైతం వాడేసుకుంది. కానీ నల్ల పిల్లకు విజయం దక్కలేదు. ఇంతకీ ఎవరు అనుకుంటున్నారు... జగపతిబాబుతో.. పెళ్లైన కొత్తలో అంటూ.. తెరపైకి వచ్చిన ప్రియమణి. రీసెంట్ గా ప్రియమణి నటించిన చండీ సినిమా భారీ ప్లాప్ అనే టాక్ వినబడుతుంది. అయితే ముందుగా ఈ సినిమాకు అనుష్కను తీసుకోవాలని అనుకున్నారని టాలీవుడ్ సమాచారం.

 

అయితే అనుష్క ఈ దర్శకుడితో గతంలోనే పంచాక్షరి అనే సినిమా చేసి ఉండడంతో అనుష్క మళ్లీ అవకాశం ఇవ్వలేదనే పుకార్లు టాలీవుడ్ వినిపిస్తున్నాయి. అయితే ప్రియమణి మాత్రం అడ్డంగా బుక్కయిపోయింది. అదే అనుష్క ఇప్పుడు కనుక చండీ సినిమా రిలీజ్ అయి ఉంటే ఆ ప్రభావం మాత్రం బాహుబలి, రుద్రమదేవి సినిమాల మీద పడేదని ఫిలింనగర్ వాసులు గుసగుసలాడుకుంటున్నారు.