Posted: 04/06/2012 08:08 PM IST

సినిమాలకు సైతం రాజకీయ రంగు పులుముకుంటుంది. తాజాగా విడుదలయిన ‘రచ్చ’ సినిమా డైలాగులు రెండు వర్గాల మధ్య చిచ్చు పెడుతుంది. ఇప్పడు రాజకీయ వర్గాల్లో ఈ డైలాగ్ లో హాట్ టాపిక్ గా మారాయి.
గత కొంత కాలం నుండి చిరంజీవికి బాలక్రిష్ణకి మధ్య పరోక్ష మాటల యుద్దం నడుస్తున్న విషయం తెలిసిందే. తాజాగా విడుదలైన రచ్చ డైలాగ్ లు నందమూరి కుటుంబాన్ని ఉద్దేశించే పెట్టారని, ఈ డైలాగ్ లు బాలక్రిష్ణకు కౌంటర్ గానే పెట్టారని కొన్ని వెబ్ సైట్లతో ఇప్పటికే రాసేశారు.

నిన్న భారీ అంచనాలతో విడుదలయిన రచ్చ సినిమా సెకండాఫ్ లో రామ్ చరణ్ కొట్టే డైలాగ్ లు రాజకీయంగా రెండు సామాజిక వర్గాలుగా విడదీసే విధంగా ఉన్నాయని అంటున్నారు. రచ్చ సినిమాలో రామ్ ‘‘ ఏదో చెప్పి తొడలు కొట్టే రకాన్ని కాదురా నేను... నా అబ్బను అంటే ఎవడి అబ్బనైనా నరుకుతా’ అనే డైలాగ్ కలకలం రేపుతుంది. అయితే ఈ డైలాగ్ సింహా సినిమాలోని బాలక్రిష్ణ డైలాగ్ లకు రివేంజ్ అని కొందరు అనుకుంటున్నారు.

బాలక్రిష్ణ రాజకీయాల్లోకి ఎంట్రీ ఇవ్వడంతో సినిమాల డైలాగులకు రాజకీయ పైత్యం పట్టుకుంది. చిరంజీవి కుటుంబం ఓ సామాజిక వర్గానికి చెందినది... నందమూరి కుటుంబం  ఓ సామాజిక వర్గానికి చెందినది కావడంతో ఈ డైలాగ్ రెండు వర్గాల మధ్య చిచ్చు పెట్టబోతుందని అంటున్నారు.