Posted: 07/17/2012 08:47 PM IST

మొన్నా మధ్య కోటి రూపాయల రెమ్యూనేషన్ కు త్రిష నోచెప్పిందనే వార్త వచ్చింది. తాజాగా మరో పెద్ద సినిమాను ఆమె చేజేతులా వదిలేసుకొందని తెలుస్తోంది. అది కూడా బాలీవుడ్ లో మంచి మాస్ ఫాలోయింగ్ ఉన్న హీరో పక్కన సినిమాను వదులుకొని త్రిష మరోసారి విశ్లేషకులను ఆశ్చర్యంలో ముంచెత్తింది. తమిళంలో మంచి హిట్టైన 'సామి' ని హిందీలో సంజయ్ దత్ హీరోగా రీమేక్ చేసే ప్రయత్నాలు జరుగుతున్నాయి. ఈ సినిమాతో డైరెక్ట్ గా బాలీవుడ్ ఎంట్రీ ఇవ్వాలని దర్శకుడు కేఎస్ రవికుమార్ ప్రయత్నిస్తున్నాడు. ఈ నేపథ్యంలో ఈ సినిమా ఒరిజినల్ వెర్షన్ లో హీరోయిన్ గా నటించిన త్రిష ను హిందీలో కూడా హీరోయిన్ గా బుక్ చేసుకోవాలని దర్శకుడు భావించాడు. ఈ మేరకు ఆమెను సంప్రదించగా, ఇందుకు త్రిష నో చెప్పిందని సమాచారం.

దాదాపు రెండేళ్ల కిందట 'కట్టామిట్ట' సినిమాతో బాలీవుడ్ లో ఎంట్రీ ఇచ్చిన త్రిష, ఆ తర్వాత అవకాశాలు వెల్లువెత్తుతాయని భావించింది. అయితే ఆమెకు అక్కడ అవకాశాలు కలిసిరాలేదు. తాజాగా సంజయ్ దత్ పక్కన వచ్చిన అవకాశాన్ని ఆమె వదులుకొంది. బహుశా ఏజైపోయిన యాక్టర్ పక్కన నటించడానికి త్రిష తటపటాయించిండవచ్చు అంటున్నారు. అయితే త్రిష ఏజేమీ తక్కువ కాదు కదా, అంటూ సెటైర్లు వేస్తున్నారు మరి కొందరు. ఎన్టీఆర్ వంటి హీరో పక్కనే త్రిష పెద్ద వయసు దాని మాదిరిగా కనిపించిందని వారు గుర్తు చేస్తున్నారు. అయితే త్రిష మాత్రం ఇందుకు వేరే కారణం చెబుతోంది. ప్రస్తుతం తాను తమిళంలో బిజీగా ఉన్నానని, బాలీవుడ్ సినిమా కోసం తరచూ ముంబైకు జర్నీ చేసే ఉత్సాహం లేదంటూ ఆశ్చర్యంలో ముంచెత్తుతోంది త్రిష!