Posted: 08/31/2012 06:47 PM IST

లండన్ లోని మేడమ్ టుస్సార్ మ్యూజియం గురించి మనందరికీ తెలిసిలే ఉంటుంది. ఆ మ్యూజియంలో ఎందరో ప్రముఖుల మైనపు బొమ్మలు పెట్టారని. ఆ మ్యూజియంలో తన మైనపు బొమ్మలు పెడితే సదరు వ్యక్తులు ఎంతో గొప్పగా ఫీలవుతారు. ఇప్పటి వరకు ఎందరో ప్రముఖుల మైనపు బొమ్మలు అందులో కొలువు దీరాయి. వారి ప్రక్కన బాలీవుడ్ హీరోలు, హీరోయిన్లు అయిన మితాబ్‌, ఐశ్వర్య, షారుక్, కరీనా కపూర్, హ్రుతిక్ రోషన్, మాధురీ దీక్షిత్ వంటి సెలబ్రెటీల ఫోటోలు ఇప్పటికే కొలువు దీరాయి.

అయితే వీరి సరసన ప్రముఖ నటి శ్రీదేవి మైనపు బొమ్మను పెట్టటానికి ఏర్పాట్లు చేస్తున్నారని, శ్రీదేవి కొలతలు కూడా తీసుకోబోతున్నారని వార్తలు వచ్చాయి. వారందరి ప్రక్కన అందాల సుందరి శ్రీదేవి లేని లేటు తీరిపోతుందని అభిమానులు ఆశించారు. అయితే ఈ వార్తను ఆమె భర్త బోనీకపూర్‌ కొట్టిపారేశారు. అసలు అలాంటి ప్రతిపాదన ఏమీ తమ ముందుకు రాలేదని,  శ్రీదేవి కొలతలు ఇవ్వలేదని, ఇచ్చిందంటూ వస్తున్న వార్తల్లో ఎంతమాత్రం నిజంలేదని తేల్చిపారేశారు. దీంతో శ్రీదేవి అభిమానులు నిరాశకు గురయ్యారు. మరి అందాల సుందరి మైనపు బొమ్మను చూసేదెప్పుడో..