Posted: 12/24/2012 05:27 PM IST

దర్శక రత్న, ప్రముఖ దర్శకుడు, నిర్మాత అయిన దాసరి నారాయణ రావు ఈ మధ్య నిత్యం వార్తల్లో వ్యక్తిగా నిలుస్తున్న విషయం తెలిసిందే. దాసరి ఎవరి పైనా అయినా సూటిగా విమర్శలు చేస్తుంటారు. ఇటీవల ఓ పుస్తక ఆవిష్కణ కార్యక్రమంలో పాల్గొన్న ఆయన టాలీవుడ్ లో ఓ ప్రముఖ హీరో పై పరోక్షంగా ఘాటు వ్యాఖ్యలు చేసిన విషయం తెలిసిందే. అయితే మీడియా వారు ఈ విషయాన్ని కాస్త వక్రీకరించి చిరంజీవి ఫ్యామిలీ పైనే దాసరి వ్యాఖ్యలు చేశాడని ప్రసారం చేశాయి. ఇదే విషయాన్ని ఓ తెలుగు ఛానెల్ దాసరిని లైన్లోకి తీసుకొని ఈ విషయం పై అడగ్గా, ఫోన్ తీసుకున్న దాసరి సదరు టీవీ యాంకర్ పై శివాలెత్తాడట. నేను అన్నదేంటి, మీరు చెబుతుందేంటి అంటూ మండి పడ్డారు. చిరంజీవిని ఉద్దేశించి తాను ఆ వ్యాఖ్యలు చేయలేదని దాసరి చెప్పుకున్నారు. అంతేకాకుండా తరువాత దాసరి సదరు ఛానల్ బాస్ కు ఫోన్ చేసి ‘ఇలా ఎందుకు చేస్తున్నారు’ అంటూ మండి పడుతూ ఆ యాంకర్ మీద చర్యలు తీసుకోవాలని, లేకపోతే తానంటే ఏంటో చూపిస్తానని రెచ్చిపోయారట. దీంతో బెంబేలెత్తిన సదరు టీవీ ఛానల్ వారు దాసరిని చల్ల బరిచే ప్రయత్నంలో ఉన్నారట.