Posted: 02/23/2013 12:12 PM IST

బిపాషా బసు పెద్ద తప్పే చేసింది. పెట్టుకోకూడని వారితోనే పెట్టుకుంది. తెలిసి చేసిందో, తెలియక చేసిందో కాని ఆమె చేసిన ఈ పొరబాటు వాళ్ళ బాలివుడ్ లో ఆమెకు కష్ట కాలం మొదలయ్యింది అంటున్నారు హిందీ సినీ పండితులు. దక్షిణాది - ఉత్తరాది, అన్ని భారతీయ భాషల సినీ పరిశ్రమలు కలిసి సెలెబ్రిటి క్రికెట్ లీగ్ పేరిట ఈ సంవత్సరం కూడా క్రికెట్ మ్యాచ్ లు ఆడుతున్న సంగతి తెలిసిందే... ప్రతీ జట్టుకు ఆయ సినీ రంగానికి సంబంధించిన కొంత మంది అందాల భామలు జట్టుని హుషారు పరుస్తూ, మెరుస్తున్న సంగతి కూడా తెలిసిందే. అయితే, సల్మాన్ ఖాన్ ఆధ్వర్యం లో  ముంబై జట్టు కు తన అందం తో ఉత్సాహం ఇవ్వడానికి ఈ సంవత్సరం బిపాషా బసు ఎంపిక అయ్యింది. మ్యాచ్ కన్నా ముందు, తరువాత కూడా బిపాషా తమ జట్టు తో కలిసి కనిపించింది కాని, మ్యాచ్ జరుగుతున్నా సమయం లో స్టేడియం నుండి మాయం అయ్యింది. ఎక్కడికి వెళ్లిందో ఎవ్వరికీ తెలియదు. కనీసం ఎవ్వరికీ చెప్పలేదు కూడా. ఇలా మ్యాచ్ జరుగుతున్న సమయం లో బిప్స్ లేకపోవడం, కండల వీరుడు సల్మాన్ ఖాన్ కి ఎంతో ఆగ్రహం తెప్పించిందట. పెట్టుకోక పెట్టుకోక బిపాషా సల్మాన్ తో పెట్టుకుందని, ఇక ఈ అమ్మడి పని అయిపోయిందని, ముంబై నుండి పెట్టె బేడా సద్దుకోవాల్సిందే అని అంటున్నారు, సినీ పండితులు. మరి సల్మాన్ ఆగ్రహం చల్లారుతుందా? లేక బిపాషా పని అయిపోయినట్టేనా.