Posted: 02/28/2013 07:08 PM IST

హీరోయిన్లు, మోడళ్ళు క్రికెటర్ల ప్రేమలో పడటం సర్వసాధారణం. వారి ఆట నచ్చో లేక, పాపులారిటీ సంపాదించవచ్చనో, లేక వారికి క్రికెట్ అంటే ఇష్టమో కానీ, వారితో మాత్రం ఎఫైర్స్ నడుపుతారు. ఈ కోవలోకే వస్తుంది హీరోయిన్ కిమ్ శర్మ. క్రికెటర్ యువరాజుతో ప్రేమలో పడి, బాలీవుడ్ లో సినిమా అవకాశాలు కూడా పట్టించుకోక పోవడంతో అవకాశాలు సన్నగిల్లాయి. అప్పుడెప్పుడో వచ్చిన రాజమౌళి మగధీరలో ఓ పాటలో మెరిసింది. తరువాత బొత్తిగా అవకాశాలు కరువవ్వడంతో ఇక్కడి నుండి తట్టా బుట్టా సర్దేసుకొని ఆఫ్రికా చెక్కేసి అక్కడ సెటిల్ అయిన ఈ భామ కెన్యాకి చెందిన ఓ వ్యాపారిని పెళ్లి చేసుకొని అక్కడే కాపురం పెట్టింది. అయితే ఇండియాలో ఉన్నప్పుడు ఉన్న క్రికెట్ పిచ్చిని వదులుకోలేక కిమ్ శర్మ అక్కడ ఓ క్రికెట్ టీమ్ ఫ్రాంఛైజీ తీసుకుందట. ఇటీవలే ఈ క్రికెట్ టీమ్ విజేతగా కూడా నిలిచిందట. అయితే నాకు దాని పైన ఉన్న పిచ్చితోనే జట్టును కొనుగోలు చేశానని చెబుతుంది. ఎవరి పిచ్చి వారిది.