నయనతార ఆ మాత్రం ఆగలేకపోయింది

Posted: 08/12/2013 12:59 PM IST

సౌత్ లో తనకంటూ ఓ స్టార్ ఇమేజ్ తెచ్చుకున్న ప్రతి కథానాయిక బాలీవుడ్ లో తన లక్ ని పరీక్షించుకోవడానికి పయనం అవుతున్నారు. ఇలా బాలీవుడ్  పై కన్నేసిన వారి జాబితాలో కాజల్, ఇలియానా, తాప్సీ, తమన్నా వంటి వారు ఉన్నారు. వీరంతా ఎప్పుడెప్పుడు అవకాశం వస్తుందా అని ఎదురు చూస్తున్నారు. ఇప్పటికే బాలీవుడ్ లో ఒకటి రెండు సినిమాలు చేసిన వీరంతా తదుపరి అవకాశం కోసం వెయిట్ చేస్తుంటే... వచ్చిన అవకాశాల్ని జారవిడుకుంటుంది మరో తార నయన తార. బాలీవుడ్ లో నటించే ఛాన్స్ వచ్చినా దాన్ని కష్టంగా వదులుకుంది. ఆ వివరాలు ఏంటంటే... ప్రముఖ చిత్రనిర్మాణ సంస్థ టిప్స్ తాను నిర్మించే ఓ భారీ చిత్రంలో కథానాయికగా నయనతారను ఎంపిక చేసుకుంది. ఇందులో షాహిద్ కపూర్ హీరో. తన బాలీవుడ్ ప్రవేశానికి ఇది మంచి ప్లాట్ ఫార్మ్ అవుతుందన్న ఉద్దేశంతో, ప్రాజక్టు నచ్చడంతో నయన్ సంతకం చేసింది.  అయితే, ఈ సినిమా షూటింగు ప్రారంభంలో అంతకంతకు ఆలస్యం జరుగుతుండడంతో, తన డేట్స్ వృథా అయిపోతాయన్న ఆలోచనతో తాజాగా ఈ ప్రాజక్టు నుంచి ఈ బ్యూటీ బయటకు వచ్చేసిందట. నయనతార ఇలా ఉన్నపలంగా బయటకు వెళ్లడంతో చిత్ర యూనిట్ షాక్ అయిందట. ప్రేమా దోమా అంటూ రోజులు వ్రుధా చేసిన నయన్, కాల్షీట్లు ఇచ్చి షూటింగు ఆలస్యం అవుతుందని బయటకి వెళ్లడంతో... ఆ మాత్రం ఆగలేకపోతే ఎలా అని అనుకుంటున్నారట.