ఏ సినిమా ఇండస్ట్రీలో అయినాగానీ... హీరోయిన్లకు లేదా మోడల్స్ కు చాలావరకు నోటిదూల ఎక్కువేనని సినీ విశ్లేషకులు అంటుంటారు. ఏదో ఒక విధంగా వార్తల్లో నిలవడం కోసం అప్పుడప్పుడూ సంచలనాత్మకమైన కామెంట్లు చేస్తూ వుంటారు. నా అందాల ముందు ఎవరు పనికిరారని, నాలాగా ఎవరైనా నటిస్తారా అంటూ రకరకాలుగా ఇతరులపై విమర్శలు చేస్తూ... మీడియా ముందుకు వచ్చేస్తుంటారు.

ఒకవేళ ఇలా కానీ పక్షంలో... తమకు సంబంధించిన కొన్ని ఘాటు ఘాటు వీడియోలను సోషల్ నెట్ వర్క్స్ లో పోస్టు చేసి టాక్ ఆఫ్ టౌన్ గా నిలిచిపోతారు. ప్రస్తుతకాలంలో ఇటువంటి తరహా మోడల్స్, యాక్ట్రెస్ లు విపరీతంగా పెరిగిపోతున్నారు. దక్షిణాదిలో చిత్ర పరిశ్రమల్లో అంతగా లేకపోయినా.. బాలీవుడ్ లో మాత్రం... సీజనల్ గా అప్పుడప్పుడు ఒక్కొక్కరుగా బయటకు వస్తుంటారు. అటువంటి ఘాటు భామల్లో ఒకరు ఈ పూనమ్ పాండే!

బాలీవుడ్ సంచలనాత్మక తార అయిన పూనమ్ పాండే... తన హాట్ వీడియోలను అప్పుడప్పుడు సోషల్ నెట్ వర్క్స్ లో పోస్టు చేసి, నెటిజన్లను పిచ్చెక్కిస్తుంటుంది. దాంతో ఈమె ఇమేజ్ అమాంతంగా పెరిగిపోవడంతో ‘‘నషా’’ సినిమాలో నటించే అవకాశం కూడా వరించింది. అయితే ఆ సినిమా బాక్సాఫీస్ దగ్గర అతిఘోరంగా పరాజయం కావడం వల్ల.. ఆ తరువాత సినిమాలు కరువయ్యాయి. ఈ దెబ్బకు పూనమ్ పాండే కూడా కొన్నిరోజుల వరకు అడ్రెస్ లేకుండా కనుమరుగయ్యింది.

ఆ మధ్యకాలంలో పాకిస్తాన్ టెర్రరిస్టులు ఈమె వెబ్ సైట్ ను హ్యాక్ చేసిన వార్తల సందర్భంగా... మళ్లీ తెరపైకి దర్శనం ఇచ్చింది. ‘‘నా వెబ్ సైట్ ను పాకిస్తాన్ టెర్రరిస్టులు ఎవరో హ్యాక్ చేశారు. దానికి సంబంధించిన పరిశీలనలు జరుగుతున్నాయి. త్వరలోనే నేను నా పేరు మీద మరో వెబ్ సైట్ ను రిలీజ్ చేస్తాను. అందులో నా కొత్త అందాలను మీరు వీక్షించుకోవచ్చు’’ అంటూ వ్యాఖ్యలు చేసిన ఈ భామ... అప్పట్లో హాట్ టాపిక్ అయ్యింది.

ఇప్పుడు తాజాగా ఈ సెక్సీ తార.. మరో సంచలనాత్మకమైన కామెంట్లు చేసి, టాక్ ఆఫ్ ది టౌన్ గా నిలిచింది. ఈమధ్య ఒక కన్నడ సినిమాలో ఈమెకు ఐటెం సాంగ్ ఆఫర్ వచ్చింది. ఈ సాంగ్ కోసం ఈ అమ్మడు దాదాపు 50 లక్షల వరకు రెమ్యునరేషన్ తీసుకుందని ఫిల్మ్ నగర్ వర్గాలు తెలుపుతున్నాయి. ఈ సందర్భంగా ఆమె మాట్లాడుతూ... ‘‘ఇంతకుముందు నేను ఎప్పుడూ ఐటెం సాంగ్స్ చేయలేదు.. ఇదే నాకు మొదటిసారి’’ అని చెప్పింది. అంతటితో ముగించకుండా... దక్షిణాది తారలను తిట్టకనే తిడితూ... పొగిడేసింది.

దక్షిణాదిలో వున్న తారలందరూ అంత ఫిట్ గా వుండరని, తన ఫిట్ నెస్ ముందు ఏ తారలు పనికిరారని ఖరాఖండిగా చెప్పేసింది. అవసరమైతే ఫిట్ నెస్ లో నన్ను, దక్షిణాది తారలను పోల్చుకుని చూసుకోండని ఛాలెంజ్ చేసింది. అయితే... మదిలో మళ్లీ ఏమనుకుందో ఏమో... దక్షిణాది తారలు ఫిట్ నెస్ గా లేకపోయినా.. డ్యాన్స్ మాత్రం చాలా బాగా చేస్తారని కితాబిచ్చింది. ఏదైతేనేం... పూనం పాండే మనసులో దక్షిణాది తారలను బాగా తిట్టుకుని... బయట మాత్రం ప్రశంసల జల్లులు కురిపించి, మళ్లీ వార్తల్లో నిలిచిపోయింది.

AS