మీరా జాస్మిన్ పెళ్ళిని ఆపే ప్రయత్నం!

Posted: 02/13/2014 09:18 AM IST

బుధవారం మీరా జాస్మిన్ దుబాయ్ లోని సాఫ్ట్ వేర్ ఇంజినీర్ అనిల్ జాన్ టైటస్ తో వివాహానికి తిరువనంతపురంలో చర్చిలో ఏర్పాట్లు చేసుకోగా ఒక అమ్మాయి ఆమె తల్లిదండ్లులు ఈ వివాహాన్ని అడ్డుకునే ప్రయత్నం చేసారు.  దానితో పెళ్ళి పోలీసు బలగాల మధ్య పూర్తి భద్రతా ఏర్పాట్లతో జరిగింది. 

విషయమేమిటంటే, ఆ అమ్మాయికి కొంతకాలం క్రితం అనిల్ తో వివాహం జరగవలసివుంది కానీ కారణాంతరాల వలన ఆ వివాహం ఆగిపోయింది.  ఇప్పుడు మీరా జాస్మిన్ తో పెళ్ళి జరగటం సహించలేని ఆ అమ్మాయి తల్లిదండ్రులు, కొందరు సన్నిహితులు ఈ వివాహ తంతును భగ్నం చెయ్యటానికి ప్రయత్నించారు. 

వాళ్లు అనిల్ ని పెళ్ళి చేసుకోవద్దంటూ మీరా జాస్మిన్ ని హెచ్చరించి బెదిరించారు కూడా.  అయితే పోలీసులు కలుగజేసుకోవటంతో పెళ్ళి అనుకున్నట్లుగా జరిగి మీరా అనిల్ లు వైవాహిక బంధంలో ఒకటయ్యారు, కథ సుఖాంతమైంది.

-శ్రీజ