బంగారు గది లో రజనీకాంత్ రొమన్స్ !!

Posted: 05/21/2014 03:37 PM IST

Rajnikanth romance in the gold room of mysore palace

తమిళ సూపర్ స్టార్ రజనీకాంత్ సినిమా అంటే.. అభిమానులకు పెద్ద పండగే. ఆయన షూటింగ్ అంటే కూడా సినిమా షూటింగ్ సిబ్బంది చాలా ఆనందంగా ఉంటారని కోలీవుడ్ వర్గాలు అంటున్నాయి. అయితే రజనీ అభిమానులకు ఒక శుభవార్త. ఇప్పటి వరకు ఏ హీరో చేయని రొమాన్స్ రజనీ కాంత్ చేస్తున్నట్లు సమాచారం. అందరు హీరోల రొమాన్స్ లు , బీచ్ ల్లో, పడక గదిల్లో లేదా తదితర ప్రదేశాల్లో సహజంగా రొమాన్స్ చేయటం జరుగుతుంది. కానీ ఈసారి రజనీకాంత్ చేసే రొమాన్స్ కు ఒక ప్రత్యేకత ఉంటుందని కోలీవుడ్ వర్గాలు అంటున్నారు.

రజనీకాంత్ హీరోగా కొత్త సినిమా ‘లింగా’ వస్తున్న విషయం తెలిసిందే. అయితే ఈ సినిమాలో రజనీకాంత్ రొమాన్స్ చాలా హైలెట్ గా ఉంటుందని చిత్ర దర్శకుడు చెబుతున్నారు. రజనీకాంత్ లింగా సినిమా మైసూర్ ఫ్యాలెస్ లో జరుపుకునే అవకాశం దొరికింది. గతంలో ఎలాంటి పర్మిషన్లు తీసుకోకుండా అక్కడ షూటింగ్‌ జరిపారు. దీంతో అధికారులు అడ్డు చెప్పడంతో షూటింగ్‌ స్పాట్‌- ని రామోజీ ఫిల్మ్‌ సిటీకి మార్చారు.

అయితే మైసూర్‌ మహారాజా ప్యాలెస్‌-లో షూటింగ్‌ చేయాలన్న కోరికను చంపుకోలేని యూనిట్‌… ఎట్టకేలకు రాజభవనం అధికారుల నుంచి పర్మిషన్‌ పొందారు. ఇప్పటివరకు బయట ప్రపంచానికి తెలియని మహారాజా ప్యాలెస్‌-లోని ఓ గదిలో సూపర్‌ స్టార్‌ రజనీపై కొన్ని సన్నివేశాలు చిత్రీకరిస్తున్నారని కోలీవుడ్ వర్గాలు అంటున్నాయి.

అంతేకాకుండా ఆ గది మొత్తం బంగారంతో పూయబడి ఉండటం స్పెషాల్టీ. అలాంటి బంగారు గదిలో రజనీ తన జోడీలతో రొమాన్స్‌ చేస్తాడని చిత్ర దర్శక, నిర్మాతలు అంటున్నారు. అంటే. రజనీతో నటించి హీరోయిన్ తో ఆ బంగారు గదిలో రొమాన్స్ చేస్తాడట. తమ అభిమాన హీరో బంగారు గదిలో రొమాన్స్ చేస్తున్నాడని రజనీ అభిమానులు ఆనందంలో ఉన్నట్లు సమాచారం. ఇలాంటి ఆసక్తికర సన్నివేశాలను ఆ బంగారు గదిలో షూట్‌ చేసే అవకాశం రావటంతో రజనీతో పాటు యూనిట్‌ సంతోషంలో మునిగి తేలుతున్నట్లు.. కోలీవుడ్ కుర్రోళ్లు గుసగుసలాడుకుంటున్నారు. ఏమైన రజనీ స్టైలే .. స్టైలు.. ..