రకుల్ ప్రీత్ ను ‘‘గబ్బర్’’ కరునిస్తాడా..?

Posted: 10/16/2014 08:07 PM IST

ఎప్పుడో ‘‘కెరటం’’ సినిమా ద్వారా తెలుగుచిత్రపరిశ్రమలో అడుగుపెట్టిన పంజాబీ భామ రకుల్ ప్రీత్ సింగ్ కు ‘‘వెంకటాద్రి ఎక్స్ ప్రెస్’’ మూవీ మంచి విజయం సాధించడంతో ఈమె వేగం మరింతగా పెరిగిపోయినట్లు తెలుస్తోంది. చిత్రపరిశ్రమకు వచ్చిన కొన్నాళ్లకే ఈ అమ్మడు అప్పుడు స్టార్ హీరోయిన్ల జాబితాలోకి చేరిపోయింది. ‘‘లౌఖ్యం’’ సినిమా బాక్సాఫీస్ దగ్గర సక్సెస్ ఫుల్ గా సాగడంతో టాలీవుడ్ లో ఈ అమ్మడికి ఒకదాని తర్వాత ఒకటి ఆఫర్లు పెరిగిపోతూనే వున్నాయి. చిన్నసినిమాల ద్వారా టాలీవుడ్ లో తమ కెరీర్ ను పరీక్షించుకోవడానికి వచ్చిన ఎంతోమంది తారల మధ్య ఈ అమ్మడు ఒక్కతే అనతికాలంలోనే పెద్ద హీరోయిన్ల సరసన చేరిపోయే అవకాశాలు ఎక్కువగా కనిపిస్తున్నాయి. ఎందుకంటే.. తాజాగా ఈ అమ్మడికి ఓ బంపర్ ఆఫర్ లభించే ఛాన్స్ చాలావరకు వున్నాయని ఇండస్ట్రీలో గుసగుసలాడుకుంటున్నారు.

రకుల్ ఇప్పటివరకు నటించిన చిన్న సినిమాలన్నీ బాక్సాఫీస్ దగ్గర భారీ కలెక్షన్లతో విజయం సాధించడంతో టాప్ డైరెక్టర్లతోపాటు స్టార్ హీరోలు కూడా ఈ అమ్మడి డేట్స్ కోసం ఎదురుచూస్తున్నారని సమాచారాలు వెలువడుతున్నాయి. ఇండస్ట్రీ వర్గాల నుంచి అందుతున్న సమాచారాల ప్రకారం... ఈ పంజాబీ హాట్ అమ్మడు పవన్ కల్యాణ్ హీరోగా సంపత్ నంది దర్శకత్వంలో తెరకెక్కబోతున్న ‘‘గబ్బర్ సింగ్ - 2’’ సినిమాలో హీరోయిన్ గా నటించే ఛాన్స్ మెండుగా వున్నాయని తెలుస్తోంది. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఆ సినిమా... హీరోయిన్ విషయంలో ఇంతవరకు క్లారిటీ ఇవ్వలేదు. ముందుకు ఇందులో హీరోయిన్ గా నటించేందుకు ఎందరో స్టార్ హీరోయిన్ల పేర్లు తెరమీదకొచ్చినప్పటికీ... ఎవరూ సెట్ కాకపోవడంతో దర్శకనిర్మాతలు మళ్లీ సెర్చింగ్ లో పడిపోయారు. ఈ నేపథ్యంలో వారు రకుల్ ప్రీత్ ప్రస్తావన తీసుకొచ్చినట్లు టాలీవుడ్ సమాచారం! వరుస విజయాలతో దూసుకుపోతున్న ఈ అందమైన అమ్మడిని తమ సినిమాలో హీరోయిన్ గా తీసుకోవాలని దర్శకనిర్మాతలు భావిస్తున్నట్లు తెలుస్తోంది.

అన్నీ అనుకున్నట్లు జరిగితే.. రకుల్ ఈ సినిమాలో పవన్ కల్యాణ్ సరసన నటించే గోల్డెన్ ఛాన్స్ దక్కించుకోవచ్చునని ఫిలింనగర్ లో చర్చలు జరుగుతున్నాయి. అయితే ఈ అమ్మడికి గబ్బర్ పవన్ కల్యాణ్ కనుకరిస్తాడో లేదో తెలియడం లేదు. ఎందుకంటే.. ప్రస్తుత పరిమాణాలను చూస్తుంటే పవన్ రాజకీయాలమీద దృష్టి సారించినట్లు తెలుస్తోంది. నిన్నవచ్చిన హుధుద్ తుపాను ప్రభావంతో పవన్ రాజకీయ రంగంలో మళ్లీ అడుగులు వేయలేక తప్పలేదు. తీవ్ర ఆస్తినష్టం వాటిల్లడంతో పవన్ ఆ సమస్యల్ని పరిష్కరించడంకోసం అటు బాబుతోపాటు మోదీకి దగ్గరైనట్లు తెలుస్తోంది. దీంతో ఆ చర్చలు ఇంకా ఎన్నాళ్లవరకు కొనసాగుతాయో ఎవ్వరికీ తెలియదు. అయితే ఈ నేపథ్యంలో గబ్బర్ సింగ్ 2 మూవీ షూటింగ్ మళ్లీ వాయిదా పడే సూచనలు కనిపిస్తున్నాయని ఇండస్ట్రీ వర్గాలు అభిప్రాయపడుతున్నాయి.

అయితే ‘‘గబ్బర్ సింగ్ 2’’ చిత్రం యూనిట్ అందిస్తున్న సమాచారం ప్రకారం.. ఈ మూవీ షూటింగ్ నవంబర్ మొదటి వారంనుంచి ప్రారంభం కానుందని తెలుస్తోంది. ఈసారి ఈ మూవీ షూటింగ్ ఖచ్చితంగా ప్రారంభం అవుతుందనే నమ్మకాలను వాళ్లు వ్యక్తం చేస్తున్నారు. శరత్ మరార్ తో కలిసి ఈరోస్ ఇంటర్నేషనల్ ఈ చిత్రాన్ని నిర్మిస్తుంది. ఒకవేళ అన్నీ అనుకున్నట్లు జరిగితే ఈ మూవీ షూటింగ్ ప్రారంభం కావడం తథ్యమని.. అలాగే రకుల్ ప్రీత్ సింగ్ ను హీరోయిన్ గా తీసుకునే అవకాశాలు చాలావరకు వున్నాయని టాక్!

AS