ఎందుకూ పనికిరాడని డిసైడ్ చేశారా..?

Posted: 10/17/2014 08:44 AM IST

తెలుగులో వేగంగా సినిమాలు తీయటంలోనే కాదు.., వెరైటి టైటిల్స్ పెట్టడంలో కూడా పూరి జగన్నాధ్ ను మించి మరొకరు ఉండరు. క్యాచీగా ఉండే ఈ టైటిల్స్ చూసే జనాలు క్రేజ్ పెంచుకుంటారు. సినిమాలో ఉండే క్యారెక్టర్ టైటిల్ లో డిఫరెంట్ గా కన్పిస్తుంది. తాజాగా సూపర్ స్టార్ మహేష్ తో పూరీ సినిమా చేస్తున్న విషయం తెలిసిందే. ఈ మూవీకి ‘రోగ్’ అనే టైటిల్ పరిశీలిస్తున్నట్లు ఫిలింనగర్ వర్గాల సమాచారం. ‘రోగ్’ అంటే తెలుగులో వంచకుడు.., ఎందుకు పనికిరాడు అని అర్ధం.

గతంలో కూడా పూరీ సినిమాలకు ‘ఇడియట్’, ‘అమ్మ నాన్న ఓ తమిళమ్మాయి’, ‘పోకిరి’, ‘బిజినెస్ మెన్’ వంటి వెరైటి టైటిల్స్ పెట్టి మూవీకి పాపులారిటీ తీసుకువచ్చాడు. ప్రిన్స్ తో ‘పోకిరి’, ‘బిజినెస్ మెన్’ హిట్ల తర్వాత గ్యాప్ తీసుకుని ఈ ప్రాజెక్టు చేపట్టాడు. దీంతో ముచ్చటగా మూడవ సినిమా కూడా హ్యాట్రిక్ కొట్టేలా కధను సిద్ధం చేసుకున్నాడని తెలుస్తోంది. ప్రస్తుతం ఎన్టీఆర్ తో జగన్నాధ్ సినిమా చేస్తున్నాడు. ఈ మూవీ షూటింగ్ డిసెంబర్ లో పూర్తి అవుతుందని తెలుస్తోంది. ఆ తర్వాత ప్రిన్స్ ప్రాజెక్టుపై దృష్టి పెట్టి కధకు మెరుగులు దిద్దుతాడట.

అటు కొరటాల శివతో మహేష్ చేయబోతున్న సినిమా షూటింగ్ మొదలు పెట్టేందుకు అంతా సిద్ధం చేసుకుంది. దీంతో ఈ శివ కధ పూర్తయితే బహుశా 2015 ఎప్రిల్ తర్వాత ప్రిన్స్-పూరికి డేట్లు ఇస్తాడని తెలుస్తోంది. అంటే వీరిద్దరి కాంబినేషన్ మూడవ మూవీ 2015 దసరా కానుకే అని చెప్పాలి. త్వరలోనే ఈ సినిమాపై మరిన్ని విశేషాలు తెలియజేస్తాము.

 

కార్తిక్