హన్సిక కోరికను తీర్చలేనంటున్న డైరెక్టర్!

Posted: 10/29/2014 09:09 PM IST

Director shiva denies the rumours of hansika is casting in his latest movie with hero ajith

ఎంత స్టార్ హీరోయిన్లు అయితేనేం... వారిక్కూడా సాధారణ అమ్మాయిలలాగే కొన్ని ప్రత్యేకమైన కోరికలు వుంటాయి. అలాగే హన్సిక కూడా తన చిరకాల కోరికను బయటపెట్టేసింది. ఆ కోరికను తీర్చుకోవడానికి ఈ అమ్మడు తెగ ఆరాటపడుతోందట! అందుకే.. బహిరంగంగా తన మనసులోని మాటను చెప్పేసింది. అయితే ఈమె కోరికను ఓ తమిళ దర్శకుడు త్వరలోనే తీర్చబోతాడనే వార్తలు బాగానే ప్రచారం చేశాయి. ఈ విషయం తెలుసుకున్న సదరు దర్శకుడు ఆ వార్తలను ఖండిస్తూ.. ఆమె కోరికను తీర్చలేనంటూ చెప్పేశాడు. ఇంకా ఆ విషయంపై తాను ఏ నిర్ణయం తీసుకోలేదని.. దానిగురించి తానేమీ మాట్లాడలేనంటూ స్టేట్ మెంట్ ఇచ్చేశాడు. దీంతో హన్సిక తీవ్ర నిరాశకు గురైందని.. ఆమె తన కోరిక తీర్చుకోవడం ఎంతమంది దర్శకుల వెంటపడాల్సి వస్తుందోనని వార్తలు చక్కర్లు కొడుతున్నాయి.

అసలు విషయం ఏమిటంటే... తమిళ, తెలుగు భాషల్లో వరుస విజయాలతో దూసుకుపోతున్న హన్సిక ఇప్పటికే కొంతమంది స్టార్ హీరోలతో నటించి స్టార్ ఇమేజ్ తెచ్చుకుంది. అయితే తనకు తమిళ స్టార్ హీరో అజిత్ సరసన నటించాలని వుందని.. అతనితో కలిసి నటించడమే తన చిరకాల కోరికంటూ ఇటీవలే ఓ మీడియాద్వారా ప్రకటించింది. దాంతో హీరో అజిత్ తన తదుపరి సినిమాలో ఈ అమ్మడికి గ్రీన్ సిగ్నల్ ఇచ్చేసినట్లు తమిళ మీడియాలో తెగ వార్తలొచ్చాయి. ప్రస్తుతం గౌతమ్ మీనన్ దర్శకత్వంలో నటిస్తున్న ఈ హీరో.. తర్వాత శివ దర్శకత్వంలో ఓ సినిమా చేయాల్సి వుంది. అందులో కథానాయికగా హన్సికనే తీసుకుంటున్నారని ప్రచారాలు తిరుగుతున్నాయి. హన్సిక తాజాగా తన మనసులో మాటను బయటపెట్టిన నేపథ్యంలో అజిత్ ఆమెను తదుపరి సినిమాలో ఛాన్స్ ఇచ్చాడని సమాచారం!

అయితే తాజాగా దర్శకుడు శివ ఆ వార్తలను ఖండించాడు. తాను హీరో అజిత్ తో తీయబోయే సినిమాలో హన్సిక నటించడం లేదనీ.. ఇంతవరకు కథానాయికను ఎంపిక చేయలేదని స్పష్టం చేశాడు. ఆ సినిమాకు సంబంధించిన కొన్ని పనులు ఇంకా ప్రారంభించలేదని.. త్వరలోనే వివరాలు అధికారికంగా వెల్లడించనున్నట్లు ఆయన పేర్కొన్నాడు. దీంతో హన్సిక ఆశలు ఒక్కసారిగా నీరుగారిపొయ్యాయి. భవిష్యత్తులోనైనా ఈ అమ్మడి కోరిక తీరుతుందో..? లేదో..? వెయిట్ చేయాల్సిందే!