రాజుగారి పస అయిపోయినట్లుంది

Posted: 11/14/2014 10:19 AM IST

ఫ్యామిలి ఓరియంటెడ్ సినిమాల నుంచి యాక్షన్ మూవీలు, ప్రస్తుతం సందేశాత్మక చిత్రాలు ఇలా ఏదో ఒక రకమైన సినిమాలతో టాలీవుడ్ లో రెండు మూడేళ్లకు ఓ సారి బయటకు వచ్చే హీరో డా.రాజశేఖర్. ప్రస్తుతం ఈయన ‘గడ్డంగ్యాంగ్’ సినిమాలో నటిస్తున్నారు. తాజాగా రాజశేఖర్ గురించి ఫిలింనగర్ లో గుసగుసలు విన్పిస్తున్నాయి. ఇక ఆయన సినిమాల్లో హీరోగా చేయరు అని పలువురు అంటున్నారు. లీడ్ రోల్స్ కు స్వస్తి చెప్పి.., మెయిన్ క్యారెక్టర్, సెకండ్ లీడ్ రోల్స్ చేసే ఆలోచనలో ఉన్నట్లు తెలుస్తోంది.

గతంలో కీ.శే. శ్రీహరి ఈ తరహా పాత్రలు పోషిచంగా.., ప్రస్తుతం జగపతి బాబు కూడా ఇలాంటి క్యారెక్టర్లలో నటిస్తున్నాడు. ఇవి బాబుకు చాలా పేరు, ఆఫర్లు తెచ్చిపెడుతున్నాయి. ప్రస్తుతం జగపతిబాబు విలన్ క్యారెక్టర్ కోసం చాలామంది వెయిట్ చేస్తున్నారు. ఇదే కోవలో రాజశేఖర్ కూడా హీరో పాత్రల నుంచి పక్కకు తప్పుకుని సెకండ్ రోల్ అంటే హీరో అన్నయ్య, తండ్రి, లేదా మరొక క్యారెక్టర్ లో సెటిల్ అవ్వాలని ట్రై చేస్తున్నాడట. ఇలా అయితే హీరో ఇమేజ్ దెబ్బతినకుండా ఉండటతో పాటు, ఎప్పుడూ సినిమాల్లో కన్పిస్తూ ఫ్యాన్స్ కు దూరం కాకుండా ఉండవచ్చు.

చాలా కాలం నుంచి రాజశేఖర్ సినిమాలు తీస్తున్నారు. ఆయన కాలంలో హీరోలుగా ఉన్నవారు ప్రస్తుతం నటన నుంచి బయటకు వెళ్లగా.., కొందరు క్యారెక్టర్లు చేస్తున్నారు. అయితే రాజశేఖర్ మాత్రం ఇఫ్పటికీ హీరోగానే చేస్తున్నారు. ప్రస్తుతం ఇండస్ర్టీ అంతా కొత్త వారితో నిండిపోవటంతో ఇలాంటి పాత హీరోలకు ఆదరణ కాస్త తక్కువ అవుతుంది. దీనికి తోడు సొంత నిర్మాణంలో సినిమాలు తీసే అలవాటున్న ఈయనకు రిస్క్ ఉంటుంది. కాబట్టి ఇవన్నీ ఎందుకనీ క్యారెక్టర్ రోల్స్ అయితే బెటర్ అనుకుంటున్నాడు. హీరోగా మెప్పించిన రాజశేఖర్ ఇతర పాత్రల్లో కూడా ప్రజాదరణ పొందుతాడని ఆశిద్దాం.

కార్తిక్