చైతూ రీమేక్ ఆఫర్ కొట్టేసిన రానా

Posted: 02/19/2015 03:37 PM IST

ప్రముఖ నిర్మాతలు ప్రసాద్.వి.పోట్లూరి, దిల్ రాజు సంయుక్తంగా శ్రీవెంకటేశ్వర క్రియేషన్స్, పివిపి బ్యానర్లలో మలయాళంలో హిట్టయ్యిన ‘బెంగళూర్ డేస్’ చిత్రాన్ని తెలుగులోకి రీమేక్ చేయబోతున్న విషయం తెలిసిందే. బొమ్మరిల్లు భాస్కర్ దర్శకత్వం వహించనున్నాడు. ప్రస్తుతం భాస్కర్ ఈ చిత్ర స్క్రిప్టును తెలుగు నేటివిటీకి తగ్గట్లుగా మార్చే పనిలో బిజీగా ఉన్నట్లు తెలిసింది. త్వరలోనే ఈ ప్రాజెక్టు సెట్స్ పైకి వెళ్లనుంది.

తెలుగులో ‘హైదరాబాద్ డేస్’ అని, తమిళంలో ‘చెన్నై డేస్’ అనే టైటిల్ ను ఖరారు చేసారు. ఇందులో నాగచైతన్య, ఆర్య, నిత్యామీనన్, శ్రీదివ్యలు ప్రధాన పాత్రలలో నటించనున్నట్లుగా వార్తలొచ్చాయి. అయితే తాజా సమాచారం ప్రకారం ఈ సినిమాలో నాగచైతన్యకు బదులుగా రానా నటిస్తున్నట్లుగా తెలిసింది.

రానా, ఆర్య, నిత్యామీనన్, శ్రీదివ్యలు ప్రధాన పాత్రలలో నటించబోతున్నట్లుగా తెలిసింది. ఎందుకంటే ఈ నలుగురు కూడా తెలుగు, తమిళ భాషల సినీ ప్రేక్షకులకు సుపరిచితులే. ఏకకాలంలో తెలుగు, తమిళ భాషలలో నిర్మిస్తున్నారు కాబట్టి... ఆర్య, రానాలను తీసుకున్నట్లుగా తెలిసింది. త్వరలోనే ఓ అధికారిక ప్రకటన విడుదల చేయనున్నారు.