మెగాహీరో సినిమాలో హల్ చల్ చేయనున్న అదా.. కానీ!

Posted: 02/23/2015 03:34 PM IST

‘హార్ట్ ఎటాక్’ సినిమా ద్వారా తెలుగు ప్రేక్షకుల మనసులను దోచుకున్న అందాలసుందరి అదాశర్మ.. ఇప్పుడు మెగా క్యాంపెయిన్ లో చేరి బాగానే సందడి చేస్తున్నట్లు కనిపిస్తోంది. ఇప్పటికే ఈ అమ్మడు అల్లు అర్జున్ సరసన ‘సన్నాఫ్ సత్యమూర్తి’ సినిమాలో నటిస్తుండగా.. తాజాగా మరో మెగాహీరో పక్కన నటించడానికి ఒప్పుకుందని సమాచారం! కానీ.. ఆ సినిమాలో అమ్మడు నటిస్తున్నది కథానాయిక పాత్ర కాదు.. కేవలం గెస్ట్ పాత్ర మాత్రమే!

ఇటీవలే ‘పిల్లానువ్వులేని జీవితం’ చిత్రంతో సక్సెస్ సాధించిన సాయిధరమ్ తేజ్.. హరీష్ శంకర్ దర్శకత్వంలో తెరకెక్కుతున్న ‘సుబ్రమణ్యం ఫర్ సేల్’ అనే చిత్రంలో నటిస్తున్న విషయం తెలిసిందే! ఈ చిత్రంలోనే అదాశర్మను గెస్ట్ పాత్రకు తీసుకున్నట్లు యూనిట్ బృందం తెలుపుతోంది. పాత్ర చిన్నదే అయినప్పటికీ.. అది ఎక్కువ ప్రాధాన్యం కలిగి వుండటంతో అందుకు ఆమె గ్రీన్ సిగ్నల్ ఇచ్చిందని యూనిట్ వర్గాలు చెబుతున్నాయి. త్వరలోనే ఈ మూవీ షూటింగ్ లో అదా జాయిన్ కానుందని అంటున్నారు.

ఇదిలావుండగా.. ‘సుబ్రమణ్యం ఫర్ సేల్’ చిత్రంలో రెజీనా కథానాయికగా నటిస్తోంది. ప్రముఖ నిర్మాత దిల్ రాజు నిర్మిస్తున్న ఈ చిత్రం శరవేగంగా షూటింగ్ జరుపుకుంటోంది. వేసవిలో ఈ చిత్రాన్ని విడుదల చేయాలని దర్శకనిర్మాతలు సన్నాహాలు చేస్తున్నారు.

AS