రీమేక్ లో అజయ్ దేవగణ్ తో శ్రియ రొమాన్స్

Posted: 02/26/2015 04:54 PM IST

సౌత్ లో ఘనవిజయం సాధించిన ‘దృశ్యం’ చిత్రాన్ని హిందీలోకి రీమేక్ చేయనున్న విషయం తెలిసిందే. తెలుగు రీమేక్ లో వెంకటేష్, మీనా జంటగా నటించారు. నదియా పోలీస్ ఆఫీసర్ గా కీలక పాత్ర పోషించింది. వెంకటేష్ నటించిన పాత్రను హిందీలో అజయ్ దేవగన్ చేయనున్నాడు.

మీనా పాత్రలో తాజాగా శ్రీయను ఎంపిక చేసారు. నదియా పాత్రలో టబు నటించనుంది. ‘దృశ్యం’ హిందీ రీమేక్ లో అజయ్ దేవగన్, శ్రీయ, నదియా ప్రధాన పాత్రలలో నటించనున్నారు. మలయాళం ఒరిజినల్ ‘దృశ్యం’ సినిమా కథను వున్నది వున్నట్లుగా రీమేక్ చేయకుండా... హిందీ రీమేక్ కోసం పలు మార్పులు చేస్తున్నట్లుగా తెలిసింది. సౌత్ లో కథానాయకుడి కూతురి పాత్రను హిందీలో చెల్లెలి పాత్రగా మార్చేస్తున్నారని సమాచారం.

ఈ చిత్రాన్ని హిందీలో Viacom18 నిర్మించనున్నారు. నిషికాంత్ కమాత్ దర్శకత్వం వహించనున్నారు. ఈనెల రెండో వారంలో సెట్స్ పైకి వెళ్లనుందని సమాచారం. ఈ చిత్రాన్ని అక్టోబర్ 2015లో విడుదల చేయడానికి సన్నాహాలు చేస్తున్నారు. త్వరలోనే అధికారికంగా అన్ని వివరాలను ప్రకటించనున్నారు.