దిల్ రాజు ‘కృష్ణాష్టమి’ @ఫ్యామిలీ డ్రామా!

Posted: 02/28/2015 11:10 AM IST

డిస్ట్రిబ్యూటర్ గా కెరీర్ ప్రారంభించి టాలీవుడ్ లోనే టాప్ ప్రొడ్యూసర్లలో ఒకరిగా ఎదిగిపోయారు నిర్మాత దిల్ రాజు! లవ్, ఎంటర్ టైన్ మెంట్, ఫ్యామిలీ, యాక్షన్ వంటి విభిన్న కథాచిత్రాలను ప్రేక్షకులకు అందించారు. గతకొన్నాళ్ల నుంచి ఫ్యామిలీ క్లాసిక్స్ చిత్రాలను నిర్మిస్తూ సక్సెస్ ఫుల్ గా దూసుకుపోతున్న ఈ నిర్మాత.. ఇప్పుడు మళ్లీ ఆ తరహాలోనే ఓ ఫ్యామిలీ డ్రామా చిత్రంతో ప్రేక్షకుల ముందుకు రానున్నట్లు సమాచారం!

‘బొమ్మరిల్లు’, ‘కొత్త బంగారు లోకం’, ‘సీతమ్మ వాకిట్లో సిరిమల్లె చెట్టు’ వంటి క్లాసిక్స్ చిత్రాలను ప్రేక్షకులకు అందించిన దిల్ రాజు.. తాజాగా ‘కృష్ణాష్టమి’ అనే టైటిల్ ని రిజిస్టర్ చేయించారని వార్తలొస్తున్నాయి. ఈమధ్య ఫ్యామిలీ కథాచిత్రాలకే క్రేజ్ ఎక్కువగా వుండటంతో.. అటువంటి చిత్రాలనే నిర్మించాలని ఆయన ఫిక్స్ అయినట్లు సన్నిహిత వర్గాలు పేర్కొంటున్నాయి. అయితే.. ఈ ప్రాజెక్ట్ కు సంబంధించి ఇంకా ఎటువంటి సమాచారం అధికారికంగా వెల్లడి కాలేదు.

ఇదిలావుండగా.. గతకొన్నాళ్ల కిందట కాస్త సైలెంట్ గా వున్న దిల్ రాజు.. ఇటీవలే తన వేగాన్ని పెంచినట్లు తెలుస్తోంది. ఇప్పటికే ‘కృష్ణాష్టమి’ టైటిల్ ని రిజిస్టర్ చేసినట్లు వార్తలొస్తుండగా.. మరోవైపు రవితేజతో ఓ మూవీని తెరకెక్కించేందుకు సిద్ధమవుతున్నాడని ప్రచారం జరుగుతోంది. బహుశా ఆ టైటిల్ రవితేజ సినిమాకోసమే రిజిష్టర్ చేయించి వుంటారని అంతా అనుకుంటున్నారు. అయితే.. ఈ విషయంపై క్లారిటీ రావాలంటే నిర్మాత దిల్ రాజు స్పందించాల్సిందే!

AS