మా ఎన్నికల ఫలితాలు ఏప్రిల్ 7కు వాయిదా

Posted: 03/31/2015 01:11 PM IST

Maa president elections results on april 7

మూవీ ఆర్టిస్ట్ అసోసియేషన్ ‘మా’ ఎన్నికలు చాలా రసవత్తరంగా జరిగిన విషయం అందరికి తెలిసిందే. ‘మా’ అధ్యక్ష పదవి కోసం నటుడు రాజేంద్రప్రసాద్, నటి జయసుధలు పోటీలో నిలబడ్డారు. అయితే ఎన్నికలకు ముందు ఇరు వర్గాల వారు భారీగా మాటల యుద్ధం చేసుకున్నారు.

ఒకరిపై ఒకరు ఘాటు విమర్శలు చేసుకున్నారు. వ్యక్తిగతంగా కూడా కామెంట్లు చేసుకొని రాష్ట్ర ఎన్నికల కంటే ఎక్కువ క్రేజ్ ను దక్కించుకున్నారు. అయితే ఈ ‘మా’ ఎన్నికలు మార్చి 29న జరిగాయి. ఈ ఎన్నికలకు అగ్ర, స్టార్ హీరోలెవరూ పాల్గొనలేరు. నందమూరి బాలకృష్ణతో పాటు పలువురు పెద్ద నటీనటులు మరియు చిన్న నటీనటులు, నిర్మాతలు వచ్చి ఓటు వేసారు.

పవన్, మహేష్, ఎన్టీఆర్ లాంటి స్టార్ హీరోలు మాత్రం ‘మా’ ఎన్నికలకు హాజరు కాలేకపోయారు. అయితే ఈ ఎన్నికల ఫలితాలను రెండు రోజుల్లో ప్రకటిస్తారని అందరూ అనుకున్నారు. కానీ ఈ ఫలితాల విడుదల ఆలస్యమయ్యేలా వుంది. ఈ ఎన్నికలపై హైకోర్టు పూర్తి విచారణను ఏప్రిల్ 7వ తేదికి వాయిదా వేసింది.

హైకోర్టు పూర్తి విచారణ జరిపిన తర్వాతనే ఈ ఎన్నికల ఫలితాలు ప్రకటించే అవకాశముంది. మరి ఈ ఫలితాల విడుదల ఎప్పుడు జరుగనుందో త్వరలోనే తెలియనుంది. ‘మా’ ఎన్నికలు ముగిసిన తర్వాత కూడా ఇంకా ఇరు వర్గాల మధ్య కోల్డ్ వార్ అలాగే కొనసాగుతున్నట్లుగా తెలుస్తోంది. త్వరలోనే అన్ని వివరాలు తెలియనున్నాయి.