ఎన్టీఆర్ హీరోగా గోపిచంద్ కత్తి రీమేక్

Posted: 04/08/2015 03:27 PM IST

తమిళ స్టార్ హీరో విజయ్ నటించిన ‘కత్తి’ చిత్రం తమిళంలో ఘన విజయం సాధించింది. ఈ చిత్రాన్ని తెలుగులో  పవన్ కళ్యాణ్ తో రీమేక్ చేయబోతున్నారని అప్పట్లో వార్తలొచ్చాయి. కానీ పవన్ కళ్యాణ్ ఈ రీమేక్ లో నటించడానికి ఇష్టం చూపించకపోవడంతో... ఈ చిత్రాన్ని నేరుగా తెలుగులోకి డబ్బింగ్ చేయాలని అనుకున్నారు.

అయితే ప్రస్తుతం ఈ చిత్రాన్ని తెలుగులో రీమేక్ చేయడానికి అన్ని సన్నాహాలు జరుగుతున్నట్లుగా తెలిసింది. దాదాపుగా తెలుగులో ‘కత్తి’ రీమేక్ కన్ఫర్మ్ అయినట్లుగా తెలిసింది. ఈ చిత్రంలో ఎన్టీఆర్ హీరోగా నటించనున్నాడు. ఈ చిత్రానికి గోపిచంద్ మలినేని దర్శకత్వం వహించనున్నాడు. ప్రముఖ నిర్మాతలు ఠాగూర్ మధు, నల్లమలపు బుజ్జి సంయుక్తంగా ఈ చిత్రాన్ని నిర్మించనున్నారు.

ప్రస్తుతం ఎన్టీఆర్ హీరోగా సుకుమార్ దర్శకత్వంలో ఓ చిత్రం తెరకెక్కుతోంది. ఈ చిత్రం తర్వాత ఎన్టీఆర్, గోపిచంద్ సినిమా ప్రారంభం కానున్నట్లుగా సమాచారం. అలాగే గోపిచంద్ మలినేని, రామ్ కలయికలో ‘పండగ చేస్కో’ చిత్రం రూపొందుతోంది. ఈ సినిమా విడుదలయ్యాక ‘కత్తి’ ప్రాజెక్టులో గోపిచంద్ బిజీ కానున్నాడు. ఈ రీమేక్ కు సంబంధించిన అన్ని వివరాలు త్వరలోనే అధికారికంగా ప్రకటించనున్నారు.