బెనజీర్ భుట్టో పాత్రలో హాట్ రవీనా టాండన్

Posted: 04/10/2015 01:12 PM IST

ఒకప్పుడు హిందీ, తెలుగు చిత్రాల్లో నటిస్తూ, బిజీ హీరోయిన్ గా కొనసాగిన రవీనా టాండన్... ఇటీవలే మంచు ఫ్యామిలీ అంతా కలిసి నటించిన ‘పాండవులు పాండవులు తుమ్మెదా’ వంటి మల్టీస్టారర్ చిత్రంతో రవీనా... మళ్లీ తెలుగులోకి రీ ఎంట్రీ ఇచ్చింది. ఇప్పటికీ కూడా రవీనాకు బాలీవుడ్ సినిమాల్లో ప్రత్యేక పాత్రల్లో నటించే ఆఫర్లు వస్తూనే వున్నాయి.

అలాగే ఇటీవలే ‘ఎత్నిక్ డిజైనర్ వేర్’ పేరిట రవీనా ఓ బట్టల వ్యాపారాన్ని ప్రారంభించిన విషయం తెలిసిందే. ఇటు బిజినెస్ చూసుకుంటూనే... సినిమాల్లో వస్తున్న మంచి మంచి ఆఫర్లను చాలా జాగ్రత్తగా ఎంచుకుంటూ ఒప్పుకుంటోంది. తాజాగా ఈ అమ్మడు ఓ ప్రాజెక్టుకు గ్రీన్ సిగ్నల్ ఇచ్చినట్లుగా తెలిసింది.

పాకిస్థాన్ మాజీ ప్రధాన మంత్రి బెనజీర్ భుట్టో జీవిత చరిత్రను హిందీలో ఓ చిత్రంగా తెరకెక్కించనున్నారు. ఇందులో బెనజీర్ భుట్టో పాత్రలో రవీనాను ఎంపిక చేసుకున్నట్లుగా తెలిసింది. ముందుగా ఈ పాత్ర కోసం విద్యాబాలన్ ను సంప్రాదించారట. కానీ ఆ తర్వాత ఈ అవకాశం రవీనా దక్కించుకుందని తెలిసింది. అంతే కాకుండా కథ నచ్చడంతో ఈ చిత్ర నిర్మాణంలోను కూడా రవీనా భాగస్వామి అయినట్లుగా తెలిసింది. త్వరలోనే అన్ని వివరాలు ప్రకటించనున్నారు.