డైనమైట్ తో రొమాన్స్ చేయనున్న రెజీనా

Posted: 05/25/2015 12:04 PM IST

వరుస హిట్ చిత్రాలతో, బిజీ హీరోయిన్ గా మారిపోయిన క్యూట్ భామ రెజీనా... త్వరలోనే మంచు విష్ణుతో జతకట్టనుందని తెలిసింది. ‘sms’ చిత్రంతో టాలీవుడ్ లోకి ఎంట్రీ ఇచ్చిన రెజీనా.. ఆ తర్వాత సందీప్ కిషన్ తో కలిసి వరుస చిత్రాలలో నటించింది.

నటిగా రెజీనా పలు చిత్రాల్లో నటించి, గ్లామర్ హీరోయిన్ మంచి పేరు తెచ్చుకుంది. ఈ మధ్య సాయిధరమ్ తేజ, అల్లు శిరీష్ లతో సినిమాలు చేయడంతో మెగా హీరోయిన్ గా పేరు దక్కించుకుంది. సాయిధరమ్ తేజ తో ప్రస్తుతం ‘సుబ్రమణ్యం ఫర్ సేల్’ చిత్రంలో నటిస్తుంది.

అయితే రెజీనా త్వరలోనే మంచు విష్ణుతో జతకట్టనుందని తెలిసింది. మంచు విష్ణు హీరోగా హనుమాన్ అనే కొత్త దర్శకుడితో ఓ చిత్రం తెరకెక్కనుంది. రాజ్ కుమార్ ఈ చిత్రాన్ని నిర్మించనున్నారు. ఇందులో విష్ణు సరసన ముందుగా రాశిఖన్నాను హీరోయిన్ గా అనుకున్నారు. కానీ చివరకు రెజీనాను ఎంపిక చేసుకున్నట్లుగా తెలిసింది.

ప్రస్తుతం విష్ణు నటిస్తున్న ‘డైనమైట్’ చిత్ర షూటింగ్ శరవేగంగా జరుగుతోంది. దేవకట్టా దర్శకత్వంలో తెరకెక్కుతున్న ఈ చిత్రంలో విష్ణు సరసన ప్రణీత హీరోయిన్ గా నటిస్తుంది. ఈ చిత్రం త్వరలోనే ప్రేక్షకుల ముందుకు రానుంది.